ហ្ហេ! អាហ៊ាចិននឹងរកស៉ីនាំកាំភ្លើងមកពីស្រុកគាត់ បានមានកាំភ្លើងជាប់ខ្លួនបាញ់ផ្អើលខ្មែរ?

បុរសជនជាតិចិន ដកកាំភ្លើងខ្លី ០១ដើម ចេញពីចង្កេះ បាញ់រះទៅលើទ្វារកញ្ចក់របស់សណ្ឋាគារ ស៊ីងហាវ អ៊ីងហួយ បណ្តាលឱ្យបែកកញ្ចក់អស់មួយផ្ទាំងរួចគេចខ្លួនបាត់។ កាលពីថ្ងៃទី២៧ ខែសីហា ឆ្នាំ២០២១ វេលាម៉ោងជាង០៥ទៀបភ្លឺ នៅចំណុចខាងលើ ស្ថិតនៅ ភូមិ៤ សង្កាត់៤ ក្រុងព្រះសីហនុ។ រហូតដល់ថ្ងៃទី៣១ ខែសីហា ឆ្នាំ២០២១ វេលាម៉ោងជាង ២២ ទើបធ្វើការឃាត់ខ្លួនបានជនសង្ស័យ ព្រមទាំងដកហូតបានវត្ថុតាងកាំភ្លើងខ្លី ០១ដើម។

ជនសង្ស័យឈ្មោះ GU SAN QIANG អាយុ ៣៦ឆ្នាំ មុខរបរ ប្តូរប្រាក់ កាន់លិខិតឆ្លងដែនលេខE46927678 ស្នាក់នៅ ភូមិ៦ សង្កាត់៤ ក្រុង-ខេត្តព្រះសីហនុ។ ចំណែកកាំភ្លើងខ្លីនោះម៉ាក SIG SAUER P365 ពណ៌ខ្មៅ មានលេខសម្គាល់ 66B087323, បង់កាំភ្លើងមានគ្រាប់ចំនួន ០៨គ្រាប់ (ប្រភេទ៩មិល្លីម៉ែត្រ)។

បច្ចុប្បន្នអាហ៊ានោះ ត្រូវបានបញ្ជូនទៅសាលាដំបូងខេត្តព្រះសីហនុ ដើម្បីចាត់តាមនីតិវិធី៕ 1Post