ប៉ូលីសកំពុងស្វែងរកគូស្នេហ៍ជនជាតិចិន បន្ទាប់ពីពួកគេត្រូវបានគេឃើញរួមភេទនៅទីសាធារណៈនៅក្នុងចំណតរថយន្តរបស់សាកលវិទ្យាល័យមួយនៅកណ្តាលទីក្រុងនៃខេត្តឈៀងម៉ៃភាគខាងជើង។
រូបថតអាក្រាតរបស់គូស្នេហ៍ចិនត្រូវបានគេចែករំលែកក្នុងក្រុមហ្វេសប៊ុកក្នុងស្រុកមួយក្នុងខេត្តឈៀងម៉ៃកាលពីថ្ងៃទី ៧ កក្កដា។ រូបថតបង្ហាញពីមន្ត្រីប៉ូលិសថៃពីរនាក់កំពុងធ្វើអន្តរាគមន៍ក្នុងសកម្មភាពរួមភេទរបស់គូស្នេហ៍បរទេសនេះ។ មន្ត្រីបានរាយការណ៍ថា បានសុំឱ្យពួកគេស្លៀកសម្លៀកបំពាក់រួចនាំទៅកាន់មន្ទីរពេទ្យកាលពីថ្ងៃព្រហស្បតិ៍ ទី៤ ខែកក្កដា ។
អាជីវករលក់ម្ហូបអាហារម្នាក់នៅក្បែរកន្លែងកើតហេតុបានផ្តល់បទសម្ភាសន៍ដល់ប៉ុស្តិ៍លេខ៧អំពីហេតុការណ៍នេះដោយបញ្ជាក់ថាបានកើតឡើងនៅម៉ោងប្រហែល៥ល្ងាច ។ គូស្នេហ៍មួយគូនេះបានកុម្ម៉ង់អាហារពីភោជនីយដ្ឋានរបស់នាង ហើយញ៉ាំអាហារជាមួយគ្នាក្រោមដើមឈើក្នុងចំណតរថយន្ត។
អាជីវករបាននិយាយថា នាងមិនដឹងថាមានរឿងអ្វីកើតឡើងទេ ប៉ុន្តែស្ត្រីជនជាតិចិនរូបនេះចាប់ផ្តើមដោះសម្លៀកបំពាក់បុរសនោះចេញ ដោយបន្សល់ទុកតែខោខ្លី។ បន្ទាប់មកនាងបានសុំបុរសជនជាតិចិនដេកលើដីមុននឹងឡើងពីលើគាត់ ។ ប្រជាពលរដ្ឋនិងអ្នកបើកបរម៉ូតូមានការភ្ញាក់ផ្អើលចំពោះទង្វើរបស់ពួកគេ ហើយបានទូរស័ព្ទហៅសមត្ថកិច្ចមកកន្លែងកើតហេតុ។
លោកវរសេនីយ៍ទោ Awirut Sookyam អធិការរងនគរបាលទេសចរណ៍ ទទួលបន្ទុកផ្នែកទេសចរណ៍ បានប្រាប់អ្នកសារព័ត៌មានថា ប្តីប្រពន្ធជនជាតិចិន បានសារភាពថា ខ្លួនបានប្រើប្រាស់កញ្ឆា មុនពេលផឹកស្រាបៀរជាមួយគ្នា។ ប៉ូលិសបានសង្ស័យថា ការរួមបញ្ចូលគ្នានៃជាតិអាល់កុល និងហ្គានយ៉ា បានប៉ះពាល់ដល់ពួកគេ។
យោងតាម Awirut អ្នកទាំងពីរត្រូវបានបញ្ជូនទៅមន្ទីរពេទ្យ Maharaj Nakorn Chiang Mai។ ពួកគេបានចាកចេញពីមន្ទីរពេទ្យមកហើយ ប៉ុន្តែមិនទាន់ត្រឡប់ទៅប្រទេសកំណើតវិញទេ។ សមត្ថកិច្ចកំពុងស្រាវជ្រាវរកប្តីប្រពន្ធដើម្បីចាត់ការបន្តតាមផ្លូវច្បាប់ពាក់ព័ន្ធនឹងទង្វើជាក់ស្តែង។
គណៈគ្រប់គ្រងសាកលវិទ្យាល័យ មិនចាត់វិធានការផ្លូវច្បាប់ណាមួយលើគូស្នេហ៍ជនជាតិចិននេះទេ ប៉ុន្តែមន្ត្រីនគរបាលបានប្ដេជ្ញាថា នឹងផ្ដន្ទាទោសតាមច្បាប់ចំពោះពួកគេពីបទអាសអាភាសជាសាធារណៈ។
ក្នុងឧប្បត្តិហេតុស្រដៀងគ្នានេះ ប្ដីប្រពន្ធថៃអនាថាមួយគូត្រូវបានចាប់ខ្លួនពីបទរួមភេទជាសាធារណៈនៅក្នុងខេត្តIsaan នៃខេត្ត Khon Kaen កាលពីខែឧសភា។ បុរសអនាថាបានសារភាពចំពោះទង្វើនេះ ហើយបានសង្កត់ធ្ងន់ថា ខ្លួនជាមនុស្សអនាថា គ្មានជម្រើសអ្វីក្រៅពីរួមភេទនៅទីសាធារណៈ។
គូស្នេហ៍បរទេសមួយគូទៀតត្រូវបានចោទប្រកាន់ពីបទរួមភេទក្នុងសមុទ្រនៅឆ្នេរ Patong ក្នុងខេត្ត Phuket កាលពីខែមេសា។ គ្មានការចោទប្រកាន់ផ្លូវច្បាប់ចំពោះពួកគេ ឬគូស្វាមីភរិយាបរទេសផ្សេងទៀតដែលពាក់ព័ន្ធនឹងឧប្បត្តិហេតុមុនៗនៅភូកេតទេ៕
