ប៉ាតាយ៉ា៖ ព្រឹត្តិការណ៍រត់តាមឆ្នេរដ៏ធំមួយ និងសិចស៊ីបំផុតនៅប្រទេសថៃចម្ងាយ៥គីឡូម៉ែត្រនៅឆ្នេរប៉ាតាយ៉ាក្នុងកម្មវិធី "PATTAYA INTERNATIONAL BIKINI BEACHRACE 2022" នឹងប្រារព្វឡើងជាលើទី៦ នៅចុងឆ្នាំ២០២២ នេះ។
កម្មវិធីនេះធ្វើឡើងដើម្បីលើកកម្ពស់វិស័យទេសចរណ៍កីឡា (Sport Tourism Destination) និងធ្វើឱ្យសេដ្ឋកិច្ចក្នុងតំបន់មានភាពរស់រវើក រួមទាំងការកសាងកេរ្តិ៍ឈ្មោះល្អធ្វើឱ្យទីក្រុងប៉ាតាយ៉ាក្លាយជាគោលដៅទេសចរណ៍ (Tourism Destination) សម្រាប់ប្រជាជនថៃ និងជនបរទេស ដោយស្វាគមន៍អ្នករត់ប្រណាំងជាង 3,000 នាក់មកពីជុំវិញពិភពលោកដែលបានចុះឈ្មោះរួចជាស្រេច។
លោក Paramet Ngampiset អភិបាលក្រុងប៉ាតាយ៉ា បានឱ្យដឹងថា ប៉ាតាយ៉ា និងនាយកដ្ឋានសមុទ្រ បានត្រៀមខ្លួនជាស្រេច ដើម្បីស្វាគមន៍អ្នករត់ប្រណាំង និងអ្នកទេសចរដែលនឹងចូលរួមនៅថ្ងៃនៃព្រឹត្តិការណ៍នេះ។ ដផយអាជ្ញាធរបានរៀបចំកន្លែងឆ្នេរប៉ាតាយ៉ា និងសម្រួលចរាចរណ៍ទីក្រុងប៉ាតាយ៉ាទៅតាមគម្រោងដោយមានទាំងថវិកាដើម្បីរៀបចំព្រឹត្តិការណ៍នានាដើម្បីលើកកម្ពស់វិស័យទេសចរណ៍នៅចុងឆ្នាំជាបន្តបន្ទាប់ ដូចជាពិធីបុណ្យ Loy Krathong Festival ពិធីបុណ្យកាំជ្រួចនៅប៉ាតាយ៉ាជាដើម។
ហើយជាចុងក្រោយជាមួយនឹងពិធីបុណ្យដើម្បីអបអរចុងឆ្នាំចាស់និងស្វាគមន៍ឆ្នាំថ្មីដូច ព្រឹត្តិការណ៍ Pattaya Countdown ជាដើម ដើម្បីពង្រឹងគោលនយោបាយគោលដៅទេសចរណ៍កីឡា ធ្វើឱ្យទីក្រុងប៉ាតាយ៉ាក្លាយជាគោលដៅទេសចរណ៍ទាំងភ្ញៀវទេសចរណ៍ថៃ និងជនបរទេស។ សូមឱ្យអ្នកដែលមានចំណាប់អារម្មណ៍ចូលរួមដាក់ពាក្យរត់ការ និងអញ្ជើញចូលរួមទស្សនាពិព័រណ៍នេះ ជាលទ្ធផលមានការកក់បន្ទប់ច្រើនរហូតដល់ជាង ៨០-១០០%។
លោកវរសេនីយ៍ទោ Nattakit Tangpoonsinthana ជំនួយការនាយកគ្រប់គ្រងនាយកដ្ឋានទីផ្សារ ក្រុមហ៊ុន Central Pattana Public Limited បាននិយាយថា “ទីក្រុង Pattaya គឺជាគោលដៅទេសចរណ៍ដ៏សំខាន់មួយ ដែលត្រូវបានគេស្គាល់ទូទាំងពិភពលោកពីឆ្នេរនិងសមុទ្រដ៏ស្រស់ស្អាត ការធ្វើដំណើរមានភាពងាយស្រួល ហើយមានសកម្មភាពផ្សេងៗដែលអាចឆ្លើយតបនឹងការរស់នៅរបស់អ្នកទេសចរគ្រប់ក្រុម។ ការរត់ប្រណាំង PATTAYA INTERNATIONAL BIKINI BEACH RACE 2022 គឺជាការរត់ប្រណាំងដែលអ្នករត់ប្រណាំងអាចបង្ហាញពីភាពច្នៃប្រឌិតរបស់ពួកគេ និងមានសុខភាពល្អក្នុងពេលតែមួយ។ ខាងក្រុមហ៊ុនត្រៀមខ្លួនរួចជាស្រេចក្នុងការចូលរួមក្នុងវិស័យនេះ ដើម្បីស្វាគមន៍អ្នករត់ប្រណាំង និងអ្នកទេសចរមកពីជុំវិញពិភពលោកដែលនឹងចូលរួមក្នុងព្រឹត្តិការណ៍នេះដើម្បីជំរុញសេដ្ឋកិច្ចនៅចុងឆ្នាំនេះ៕ សុផាផន
