សមត្ថកិច្ចចម្រុះឃាត់ខ្លួនលោកឧកញ៉ា ស៊ឹង ប៊ុនណា បន្ទាប់ពីបាញ់បោះសេរីជាច្រើនគ្រាប់ទាំងកណ្តាលរាត្រីថ្ងៃទី៣០ ខែកក្កដាឆ្នាំ ២០២២ នៅផ្ទះវីឡាមួយកន្លែង ស្ថិតក្នុងក្រុមទី៦ ភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប។ វីដេអូ https://fb.watch/eErpDNc0Sc/
ជនសង្ស័យត្រូវគេនិយាយថា បានបាញ់ឡើងលើ ចំនួន ៤គ្រាប់ អាវុធម៉ាកK59 លេខ2249 ផលិតនៅប្រទេសរុស្សុី ក្រោយពីបាញ់ហើយ ជនសង្ស័យបានចូលក្នុងបន្ទប់ដេកដោយកាន់កាំភ្លើងទៅជាមួយ។ ការបាញ់នេះសង្ស័យខឹងប្រពន្ធ។
ក្រោយមកករណីនេះកម្លាំសមត្ថកិច្ចបានហ៊ុព័ទ្ធខាងក្រៅតាំងពីយប់រហូត ដល់ម៉ោង៧និង១០នាទីព្រឹក ថ្ងៃទី៣១ ខែកក្កដា ឆ្នាំ២០២២ ទើបកម្លាំងសមត្ថកិច្ចចម្រុះនាំខ្លួនជនសង្ស័យឈ្មោះ សុឹង ប៊ុនណា ភ្ជាប់ជាមួយអាវុធK59 មួយដើម បង់២ គ្រាប់០៦គ្រាប់ យកទៅស្នងការដ្ឋាននគរបាលខេត្តសៀមរាប ដើម្បីចាត់វិធានតាមនីតិវិធី។
សូមរម្លឹកថា លោកឧកញ៉ាជានាយកក្រុមហ៊ុនវាយតម្លៃអចលនទ្រព្យប៊ុណ្ណារៀលធីគ្រុប ក៏ធ្លាប់សម្ថកិច្ចចាប់ខ្លួនម្ដងហើយ កាលពីព្រឹកថ្ងៃទី១០ មិថុនា ឆ្នាំ២០១៦ ពាក់ព័ទ្ធចេញសែកអត់ទឹកប្រាក់៤០ម៉ឺនដុល្លារ តាមបណ្ដឹងរបស់ឧកញ៉ា កែវ ហ៊ុន។
ក្រោយមកលោក ឡុង កេសភិរម្យ ចៅក្រម សាលាដំបូងរាជធានីភ្នំពេញ កាលពីថ្ងៃទី២៣ មិថុនា ឆ្នាំ២០១៦ បានសម្រេចដោះលែងលោកឧកញ៉ា ស៊ឹង ប៊ុណ្ណា វិញ។
ដោយឡែកថៅកែហាង The Storm ឯណ្ណោះវិញ ករណីយកកាំភ្លើងបាញ់ចុងភៅរបស់ខ្លួនហាក់ស្ងាត់បាត់ឈឹងជាច្រើនខែមកហើយ មិនទាន់ឃើញជនសង្ស័យចូលខ្លួន ឬសម្ថកិច្ចឃាត់ខ្លួនបានយកមកអនុវត្តន៍តាមនីតិវិធីនៅឡើយ។
បើតាមការខ្សឹបខ្សៀវមកថៅកែ ផល ដែលបាញ់ចុងភៅ គឺជាមន្ត្រីនៃក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច។
លោក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ កាលពីថ្ងៃទី២៣ ឧសភា ២០២២ បានឱ្យ1Post ដឹងថា «ករណីបាញ់បោះនៅហាង The Storm សមត្ថកិច្ចស្គាល់អត្តសញ្ញាហើយនឹងកំពុងស្រាវជ្រាវតាមរក»។ តែរហូតច្រើនខែមកហើយ បែជាស្ងាត់ដំណឹងឈឹងដូចចោរលួចសេះ។
សូមរម្លឹកថា បុគ្គលិកផ្នែកចុងភៅនៅហាង The Storm រៀបរាប់ឱ្យដឹងថា ថៅកែជាបុរសម្នាក់ឈ្មោះ ផល បានដកកាំភ្លើងបាញ់បុរសម្នាក់ជាមេចុងភៅ ខណៈបុរសនោះក្រាបគេចផុត ព្រោះតែខឹងរឿងធ្វើឱ្យខូចរទេះគោដុត។
ករណីនេះបានកើតឡើងកាលពីរាត្រីថ្ងៃទី២២ ខែឧសភា ឆ្នាំ២០២២ នៅក្នុងហាង The Storm តាមបណ្ដោយផ្លូវលេខ១៨២ សង្កាត់ វាលវង់ ខណ្ឌ៧មករា រាជធានីភ្នំពេញ។ ក្រោយកើតហេតុក៏ឃើញវត្តមានសមត្ថកិច្ចក៏ចុះទៅដល់ផងដែរ។
ស្ត្រីចុងភៅបានឱ្យដឹងទៀតថា គ្រាកន្លងទៅថៅកែផល រូបនេះបានយកកែវគប់ខ្លួនម្ដងហើយ តែលោកស្រីគេចផុត។ ក្រៅពីនោះមិត្តភ័ក្កិថៅពេលផឹកស៊ីស្រវឹងក៏ធ្លាប់វាយតប់បុគ្គលិកផ្សេងទៀតដែរតែគ្មានអ្នកណារកខុសត្រូវឱ្យទេ។
ទាក់ទងសកម្មភាពនេះ 1Post មិនទាន់អាចសុំការបញ្ជាក់ពីថៅកែ ហេង ផល បាននៅឡើយ។
ថៅកែ ហេង ផល មានភាគហ៊ុននៅហាងផឹកស៊ីចំនួនពីរគឺហាងThe Storm នៅក្បែបុរីកីឡារាជធានីភ្នំពេញ និងហាងមួយទៀតឈ្មោះ សន្យា នៅក្រុងតាខ្មៅ ខេត្តកណ្ដាល៕ SP
