បន្ទាប់ពីមានសេចក្ដីរាយការណ៍មកថា មានសកម្មភាពលួចដឹកឈើល្មើសច្បាប់ចេញពីខេត្តស្ទឹងត្រែងជាបន្ទាប់បន្ទាប់នាពេលកន្លងទៅ នៅថ្ងៃទី៥ ខែមីនា ឆ្នាំ២០២២ នគរបាលសេដ្ឋកិច្ចខេត្តបានចុះបង្ក្រាបរថយន្តលួចដឹកឈេីទាំងព្រឹក ២គ្រឿងនៅលេីកំណាត់ផ្លូវជាតិលេខ៧Aត្រង់ចំណុចត្បូងខ្លា។
រថយន្តទាំង ២គ្រឿងនោះម៉ាកសាំយ៉ុងដឹកឈេីប្រភេទឈេីក្តាវែងៗ ចេញពីភូមិសាស្ត្រស្រុកសៀមបូក នៃខេត្តស្ទឹងត្រែង ហេីយបម្រុងដឹកយកទៅកាន់ខេត្តក្រោមៗបន្តទៀត ខណៈសមត្ថកិច្ចឃាត់រថយន្តបាន អ្នកបើកបរដាក់មេប្រូចចូលទៅក្នុងព្រៃបាត់។
លោកវរសេនីយ៍ ណាត អូន នគរបាលប្រឆាំងបទល្មើសេដ្ឋកិច្ចបានឱ្យដឹងផងដែរថា កម្លាំងរបស់លោកបានឃ្លាំមេីលសកម្មភាពក្រុមឈ្មួញលួចដឹកឈេីនេះយូរខែមកមកហេីយ មិនដែលតបង្ក្រាបនោះទេ ប្រហែលជាមានសត្ថកិច្ចខ្លះចាំមេីលផ្លូវ និងបេីកឱកាសឱ្យរថយន្តដឹឈេីទាំងនោះចេញ។ ដូច្នេះទម្រាំតែបង្ក្រាបរថយន្តទាំងនេះបាន ត្រូវប្រេីពេលវេលាយូរ ទេីបអាចឈានទៅឃាត់ចាប់បាន។
សូមបញ្ជាក់ថា ឈេីដែលរថយន្តទាំងពីរខាងលេីដឹកនោះ ជាប្រភេទឈេីក្តាបន្ទះ ប្រវែង៣ម៉ែត្រនិងខ្លះ៦ម៉ែត្រ ត្រូវបានយកទៅរក្សាទុកបណ្តោះអាសន្ននៅស្នងការរដ្ឋាននគរបាលខេត្ត ដេីម្បីចាត់ការបន្តតាមនីតិវិធី៕
