ករណីបា.ញ់ស្លា.ប់បុរសចិនម្នាក់នៅក្រុងព្រះសីហនុ មិនទាន់រកឃើញជនដៃដល់

ព្រះសីហនុ៖ លោក តី វិសាល អធិការក្រុងព្រះសីហនុ បានឱ្យដឹងនៅថ្ងៃទី៨ ខែធ្នូ ឆ្នាំ២០២១ថាករណីបុរសជនជាតិចិនម្នាក់ ដេកស្លាប់ នៅក្នុងបុរី Blue Sky ស្ថិតក្នុងភូមិ៥ សង្កាត់លេខ៤ ក្រុង-ខេត្តព្រះសីហនុ កាលពីរសៀលម៉ោង ០៣ និង៣០នាទី ថ្ងៃទី០៤ ខែធ្នូ ឆ្នាំ២០២១ គឺរហូតមកដល់ពេលនេះ កម្លាំងសមត្ថកិច្ចកំពុងបន្តការស្រាវជ្រាវ ដោយមិនទាន់ដឹងមូលហេតុនៃការស្លាប់នៅឡើយទេ។

ជនរងគ្រោះនោះមានឈ្មោះ JIKE MUNAI ភេទប្រុស អាយុ ២១ឆ្នាំ លើដងខ្លួនស្នាមគ្រាប់កាំភ្លើងវ៣គ្រាប់ ១គ្រាប់ចូលទៅបៀមលើឆ្អឹងក្បាលជង្គង់ ស្នាមជើងខាងស្តាំ ១កន្លែង ត្រង់កន្លាក់ជង្គង់ធ្លាយភ្លៅទៅផ្នែកខាងក្រោយ និងចំហៀងក្បាលជង្គង់ខាងក្នុង ធ្លាយទៅគល់ភ្លៅខាងក្រោយ ១កន្លែងទៀត។ គិតត្រឹមថ្ងៃទី០៩ ខែធ្នូ នេះ សមត្ថកិច្ចមិនទាន់រកឃើញជនដៃដល់នៅឡើយ៕ SP