អ្នកជំនួញចាស់វស្សាអ្នកឧកញ៉ា សៀ ឫទ្ធី លើកឡើងថា វិស័យអចលនទ្រព្យនឹងងើបឡើងវិញដូចមុនកូវិដ ប៉ុន្តែចំពោះការធ្លាក់ចុះនេះ អាចថា ៦ ខែទៀតនឹងធ្លាក់ដល់កម្រិតនៃវិស័យអចលនទ្រព្យ មានន័យថាធ្លាក់ដល់បាត។ ដូច្នេះសម្រាប់ការគិតគូររបស់អ្នកឧកញ៉ា នៅឆ្នាំ ២០២៦ ខាងមុខវិស័យអចលនទ្រព្យនឹងងើបឡើងវិញ។ ការដែលអះអាងបែបនេះ អ្នកឧកញ៉ាថា ៣ ឆ្នាំចុងក្រោយនេះការផលិតមិនមានគឺមានតែតម្រូវការទោះតម្រូវការមានតិចតួចក៏ដោយវិស័យអចលនទ្រព្យគឺអាស្រ័យបែបនេះ។
ចំពោះការយល់ឃើញ អ្នកឧកញ៉ាបានចង្អុលបង្ហាញទៅលើកត្តា ៣ យ៉ាង។ កត្តាទី ១ កាលណាការផលិតលើស វានឹងចាល់តម្លៃវានឹងធ្លាក់ចុះតែបីឆ្នាំចុងក្រោយនេះមិនមានអ្នកផលិតទៀតទេគឺធ្វើតាមអ្វីដែលមានស្រាប់។ ដូច្នេះអ្នកឧកញ៉ាថា វាល្មបដល់ពេលដែលវិស័យនេះនឹងងើបឡើងវិញនៅឆ្នាំ ២០២៦។
កត្តាទី ២ ដោយសារកាលណាសេដ្ឋកិច្ចពិភពលោក និងតំបន់មានកំណើនវិស័យដែលរីកមុនគេគឺវិស័យអចលនទ្រព្យ។ កត្តាទី ៣ វាគួបផ្សំជាមួយវិស័យដឹកជញ្ជូន ពីព្រោះបើកម្ពុជាជាប្រទេសផលិត ការកសាងហេដ្ឋារចនាសម្ព័ន្ធក៏កើនច្រើនបូរួមទាំងឃ្លាំង រោងចក្រ ដែលសុទ្ធសឹងជាប្រភពអចលនទ្រព្យ។ ដីនឹងឡើងថ្លៃទៅលើប្រភេទធ្វើរោងចក្រ និង ឃ្លាំង ដែលវាត្រូវបានរាប់បញ្ចូលទៅក្នុងវិស័យអចលនទ្រព្យ៕
