រថយន្តកុងតាន័របុកគល់ស្ពានផ្លូវល្បឿនលឿន ខ្ទាតចូលក្រោមស្ពានឡើងដាច់កាបីនជាពីរ

ករណីនេះបានកើតឡើងនៅថ្ងៃទី០៥ ខែសីហា ឆ្នាំ២០២២​ លើផ្លូវជាតិលេខ៤ ចន្លោះគីឡូម៉ែត្រលេខ ៩៩-១០០ ត្រង់ចំ​ណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួ​ច ខេត្តកំពង់ស្ពឺ។

ប្រភពព័ត៌មានបានឱ្យដឹងថា រថយន្តបង្ក ០១គ្រឿងម៉ាក HYUNDAI ពណ៍ស ពាក់​ស្លាកលេខភ្នំពេញ 3C-9293 សណ្ដោងសុឺមីរុឺម៉​ក​ ពាក់ស្លាកលេខ ភ្នំពេញ 4A-0490។

អ្នកបើកបរឈ្មោះសនសាល ភេទប្រុស  អាយុ៣២ឆ្នាំ រស់នៅ​ភូមិទូកមាស ឃុំក្រាំងដូង ស្រុកកំពង់ត្រាច ខេត្តកំព​តបើកបរពីទិសខាងលិចទៅទិសខាងកើត មកដល់ចំណុចខាងលើបានរ៉េចង្កូតទៅបុកគល់ស្ពានផ្លូវ​ល្បឿនលឿនតែម្ដង។ 

ករណី​មិនបណ្ដាលអោយគ្រោះថ្នាក់មនុស្សទេ បច្ចុប្បន្ន​សមត្ថកិច្ច​នគរបាល​ចរាចរណ៍​កំពុង​ចាត់វិធានការតាមនីតិវិធី​៕