បុរសបីនាក់បានស្លាប់នៅពេលដែលរថយន្តធ្លាក់ពីលើស្ពានអាកាសដែលមិនទាន់រួចរាល់ក្នុងទីក្រុង Bareilly រដ្ឋ Uttar Pradesh កាលពីថ្ងៃទី២៤ ខែវិច្ឆិកា។
ហេតុការណ៍នេះបានកើតឡើងនៅពេលដែលជនរងគ្រោះចាកចេញពី Gurugram ហើយកំពុងធ្វើដំណើរទៅកាន់ Bareilly ដើម្បីចូលរួមពិធីមង្គលការមួយ។ ពួកគេពឹងផ្អែកលើ Google Maps ដើម្បីទៅដល់ទីតាំងព្រឹត្តិការណ៍។
រថយន្តបានបើកឆ្លងកាត់ស្ពាន ហើយធ្លាក់ចូលទន្លេ Ramganga ជាទន្លេស្ងួតកម្ពស់ប្រហែល ១៥ ម៉ែត្រ។ អ្នកស្រុកបានរកឃើញរថយន្តដែលរងការខូចខាតនៅព្រឹកបន្ទាប់រួមជាមួយអ្នកស្លាប់ទាំងបីនាក់។ ប៉ូលិសបានចុះដល់កន្លែងកើតហេតុឃើញរថយន្តម៉ាក Suzuki Maruti Wagon R មួយគ្រឿងដែលនៅលើទន្លេក្នុងស្ថានភាពបាក់បែក និងរងការខូចខាតយ៉ាងដំណំ៕
