សេចក្ដីរាយការណ៍បឋមមកថា រថយន្តធ្លាក់ពីលើភ្នំគូលែន បណ្ដាលឱ្យមនុស្សចំនួន ៦នាក់ស្លាប់ ស្រី២នាក់ ប្រុស៤នាក់ និងរបួស១៦នាក់ ស្រី១០នាក់ កាលពីរសៀលថ្ងៃទី២៧ ខែវិច្ឆិកា ឆ្នាំ២០២៣។
លោក យឹប យ៉ុងឈាង អធិការស្រុកស្វាយលើ បានឱ្យដឹងថា នៅវេលាម៉ោង១៦ ថ្ងៃទី២៧ ខែវិច្ឆិកា ឆ្នាំ២០២៣ រថយន្តនោះបានដឹកក្រុមឆៃយ៉ុំាមកបុណ្យកឋិន នៅវត្តលើភ្នំគូលែន ហើយបានធ្លាក់ចេញពីផ្លូវដែលមានចំណោតខ្លាំង។ តាមការសន្និដ្ឋានជំហានដំបូងរបស់សមត្ថកិច្ច រថយន្តខាងលើទំនងដឹកខុសបច្ចេកទេស គឺផ្ទុកមនុស្សសរុបជាង២០នាក់ និងខ្វះការប្រុងប្រយ័ត្ន ទើបបណ្ដាលឱ្យកើតគ្រោះបែបនេះ៕
