ចុះលេងទឹក ទឹកកួចចូលរណ្ដៅជ្រៅបណ្ដាលឱ្យស្លាប់ ២នាក់ និងម្នាក់ទៀតហែលឆ្លងផុត

ក្មេងៗប្រុសស្រី ៣នាក់ចុះទៅលេងទឹកខ្សាច់ទន្លេសេសាន ត្រូវបានទឹកកួចចូលរណ្តៅជ្រៅទើបបណ្តាលឱ្យគ្រោះថ្នាក់បែបនេះ កាលពីរសៀលថ្ងៃទី១៥ ខែមេសា ឆ្នាំ២០២២ ត្រង់ចំណុចក្រោមស្ពានសេសាន ស្ថិតនៅក្នុងភូមិកាជូត ឃុំញ៉ាង ស្រុកអណ្តូងមាស ខេត្តរតនគិរី។

លោក សោម ចាន់ដារ៉ា អធិការនគរបាលស្រុកអណ្ដូងមាស បានឱ្យដឹងថា ក្មេងប្រុសម្នាក់និងក្មេងស្រីម្នាក់បានស្លាប់ត្រូវគេរកឃើញនៅល្ងាចថ្ងៃដដែលនោះ។ មូលហេតុដោយសារមិនចេះហែលទឹក ហើយបានស្លៀកខោកាបូយជើងវែងចុះលេងទឹក៕