ស្រះកែវ៖ អាជីវករខ្មែរឈ្មោះ ធៀម ស៊ីម៉ា អាយុ៣២ឆ្នាំ លក់ដូរនៅក្នុងផ្សារទេសបាល៣ អាគារហ្វាបន្ទប់ V113 ឃុំអារញ្ញ ស្រុកអារញ្ញ ខេត្តស្រះកែវ ត្រូវបានសមត្ថកិច្ចថៃឃាត់ខ្លួនកាលពីថ្ងៃទី០៣ ខែមករា ឆ្នាំ២០២២ បន្ទាប់ពីរកឃើញភស្ដុតាងល្មើសនឹងកម្មសិទ្ធិបញ្ញា។
វត្ថុតាងទំនិញល្មើសកម្មសិទ្ធបញ្ញាក្នុងនោះមានស្បែកជើងគ្មានស្លាកសញ្ញាសរុបទាំងអស់ចំនួន៣២៨គូរ។
តាមសមត្ថកិច្ចថៃបានលើកគើងថា ការឃាត់ខ្លួនអាជីវករខ្មែរនេះ គឺមានសេចក្ដីរាយការណ៍ករណីលួចចែកចាយទំនិញល្មើសកម្មសិទ្ធិបញ្ញានៅក្នុងផ្សាររោងគ្លឿ ដោយបញ្ជូនលក់ទៅឱ្យម៉ូយតាមប្រៃសនីយ៍ទើបសមត្ថកិច្ចថៃដឹកនាំកម្លាំងចុះទៅចាប់ខ្លួនបាន ដោយចោទប្រកាន់រក្សាទុក និងចែកចាយទំនិញល្មើសកម្ម សិទ្ធិបញ្ញាមុនហ្នឹងនាំខ្លួន ព្រមទាំងវត្ថុតាងបញ្ជូនទៅឱ្យជំនាញ ខ្លងលឹកខេត្តស្រះកែវ ដើម្បីចាត់វិធានការតាមនីតិវិធីបន្តទៀត៕
