ឃាត់ខ្លួនជនជាតិវៀតណាមលួចផលិតទឹកឃ្មុំក្លែងបន្លំប្រភពជិត ២០តោននៅច្បារអំពៅ

សមត្ថកិច្ចឃាត់ខ្លួនជនជាតិវៀតណាមដែលបានលួចផលិតទឹកឃ្មុំក្លែងបន្លំជិត ២០តោន នៅផ្ទះលេខ៧៦ ផ្លូវបេតុង ភូមិតាដៅកណ្តាល សង្កាត់និរោធ ខណ្ឌច្បារអំពៅ កាលពីថ្ងៃទី១២ ខែកុម្ភៈ ឆ្នាំ២០២៥។

ប្រភពដំណឹងបានឱ្យដឹងថា ទីតាំងផលិតទឹកឃ្មុំក្លែងបន្លំនេះជាកម្មសិទ្ធិរបស់ក្រុមហ៊ុន CHAN HONEY IMPORT EXPORT CO.,LTD មានថៅកែជាជនជាតិវៀតណាម។

វត្ថុតាងរកឃើញរួមមានទឹកឃ្មុំសរុបចំនួន ១៣០ធុង ដែលមានទម្ងន់សរុប ១៩ ៨៩០ គីឡូក្រាមដែលសង្ស័យជាផលិតផលក្លែងបន្លំប្រភព។ ហើយត្រូវដកហូតបណ្តោះអាសន្នដោយរក្សាទុកនៅក្នុងទីតាំងក្រុមហ៊ុន។ ជនសង្ស័យមានឈ្មោះ NGUYEN THI THANH THIEN ភេទស្រី ជាជនជាតិវៀតណាម ជាម្ចាស់ក្រុមហ៊ុន ច័ន្ទ ហាន់នី អិមផត អិចផត ឯ.ក ត្រូវបានសមត្ថកិច្ចតុលាការបើកការស៊ើបសួរ៕