![បើបំពានប្រយ័ត្នជាប់ទោស បិទនេសាទទឹកសាប ចាប់ពីថ្ងៃទី១ មិថុនា ដល់ថ្ងៃទី៣០កញ្ញា](https://1post.news/images/photos/3/2024-05/27/66542268b6da9.jpeg)
រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានចេញសេចក្តីជូនដំណឹងដល់សាធារណជន និងអ្នកនេសាទទាំងអស់ អំពីរដូវបិទនេសាទ សម្រាប់ការធ្វើនេសាទក្នុងដែននេសាទទឹកសាប ឆ្នាំ២០២៤។ រដ្ឋបាលជលផល បានកំណត់អំពីការបិទនេសាទ ដូចខាងក្រោម៖
– ចាប់ពីថ្ងៃទី១ ខែមិថុនា ដល់ថ្ងៃទី៣០ ខែកញ្ញា ចំពោះដែននេសាទទឹកសាប រួមមាន ខេត្តកំពង់ឆ្នាំង ពោធិ៍សាត់ បាត់ដំបង ប៉ៃលិន បន្ទាយមានជ័យ ឧត្តរមានជ័យ សៀមរាប កំពង់ធំ ព្រះវិហារ រតនគិរី មណ្ឌលគីរី ក្រចេះ ត្បូងឃ្មុំ កំពង់ចាម និងមួយផ្នែកនៃរាជធានីភ្នំពេញ និងខេត្តកណ្តាល ដែលស្ថិតនៅខាងជើងខ្សែស្របទន្លេចតុមុខ
![បើបំពានប្រយ័ត្នជាប់ទោស បិទនេសាទទឹកសាប ចាប់ពីថ្ងៃទី១ មិថុនា ដល់ថ្ងៃទី៣០កញ្ញា](https://1post.news/images/photos/3/2024-05/27/6653e5065934d.jpeg)
– ចាប់ពីថ្ងៃទី១ ខែកក្កដា ដល់ថ្ងៃទី៣១ ខែតុលា រួមមាន ខេត្តព្រៃវែង ស្វាយរៀង តាកែវ ខេត្តកំពង់ស្ពឺ និងមួយផ្នែកនៃរាជធានីភ្នំពេញ និងខេត្តកណ្តាល ដែលស្ថិតនៅខាងត្បូងខ្សែស្របទន្លេចតុមុខ។
នៅក្នុងរយៈពេលបិទនេសាទនេះ អ្នកនេសាទទាំងអស់ត្រូវប្រើតែឧបករណ៍នេសាទគ្រួសារ ដែលមានចែងក្នុងប្រកាសលេខ៤៥៨ ប្រក.កសក ចុះថ្ងៃទី២២ ខែតុលា ឆ្នាំ២០១២៕
![បើបំពានប្រយ័ត្នជាប់ទោស បិទនេសាទទឹកសាប ចាប់ពីថ្ងៃទី១ មិថុនា ដល់ថ្ងៃទី៣០កញ្ញា](https://1post.news/images/photos/3/2024-05/27/6653e5064b38d.jpeg)
![បើបំពានប្រយ័ត្នជាប់ទោស បិទនេសាទទឹកសាប ចាប់ពីថ្ងៃទី១ មិថុនា ដល់ថ្ងៃទី៣០កញ្ញា](https://1post.news/images/photos/3/2024-05/27/6654226813a3a.jpeg)