បុរសម្នាក់ជាអ្នករស៊ីដឹកឈើតាមម៉ូតូកែឆ្នៃមួយគ្រឿងបានស្លាប់នៅនឹងកន្លែងបន្ទាប់ពីឈើបានសង្កត់ពីលើកាលពីពេលថ្មីៗនេះនៅក្រុងសែនមនោរម្យ ខេត្តមណ្ឌលគីរី។
ក្រោយកើតហេតុកម្លាំងអធិការដ្ឋាននគរបាលក្រុងសែនមនោរម្យបានចុះទៅពិនិត្យឃើញម៉ូតូកែឆ្នៃមួយគ្រឿងនិងឈើមូលមួយដុំប្រវែងមានទំហំមុខកាត់៤០ ប្រវែង១.៧០ម៉ែត្រសង្កត់ពីលើជនរងគ្រោះឈ្មោះ ថុល ចាន់ធួន ភេទប្រុសអាយុ៣២ឆ្នាំ ជនជាតិខ្មែរ។
ក្រោយបានធ្វើការពិនិត្យទៅលើដងខ្លួនសពជនរងគ្រោះពុំមានឃើញស្លាកស្នាមអ្វីពាក់ព័ន្ធនឹងអំពើឃាតកម្មនោះឡើយ។ បច្ចុប្បន្នសពជនរងគ្រោះត្រូវបានប្រគល់ជូនទៅឱ្យឪពុកបង្កើតយកទៅធ្វើបុណ្យតាមប្រពៃណី៕
