ស្វាយរៀង៖ ប្រជាពលដ្ឋរងគ្រោះដីធ្លីនៅស្រុករមាសហែក ខេត្តស្វាយរៀង ចំនួនជាង២០នាក់តំណាងឲ្យ២៦០គ្រួសារក្នុងភូមិចំនួន៥ មានភូមិអំពិល ភូមិត្បែង ភូមិស្រែឬស្សី ភូមិត្រពាំងពពេលនិងភូមិរមាសហែក នៅថ្ងៃពុធ ២កើត ខែកក្តិក ឆ្នាំខាល ចត្វាស័ក ពស២៥៦៦ ត្រូវនឹងថ្ងៃទី២៦ខែតុលា ឆ្នាំ២០២២ បានមកប្រមូលផ្តុំគ្នានៅមុខសាលាឃុំអំពិល ដើម្បីយកញត្តិដាក់ជូនលោកមេឃុំ ឱ្យជួយពន្លឿនដោះស្រាយដីធ្លីចំនួន៤០០ហិកតា និងស្នើកាត់ឆ្វៀលដីចេញពីក្រុមហ៊ុន អ៊ិនខេ វេន ឆ័រ (NKV) ដែលជាទីតាំងដីប្រជាពលរដ្ឋតែងតែបង្ករបង្កើនផល ធ្វើស្រែចំការជាប្រចាំ។
ក្រោយពីចូលជួបលោកមេឃុំអំពិលរួចមក តំណាងប្រជាពលរដ្ឋដែលអះអាងថារងគ្រោះដីធ្លី បានសម្តែងអាម្មណ៍មិនសប្បាយចិត្តជាមួយអាជ្ញាធរឃុំ ដែលមិនព្រមទទួលញត្តិរបស់ពួកគេ។
ដោយឡែក អាជ្ញាធរស្រុករមាសហែកបានទទួលញត្តិរបស់ពួកគេ ដោយអាជ្ញាធរស្រុកបានលើកឡើងថាការដោះស្រាយបញ្ហាដីធ្លីនេះ គឺវាហួសដែនសមត្ថកិច្ចរបស់អាជ្ញាធរស្រុក ហើយបានជម្រុញឱ្យប្រជាពលរដ្ឋបន្តយកញត្តិទៅដាក់នៅរដ្ឋបាលខេត្តបន្តទៀត។
ទាក់ការលើឡើងពីក្រុមពលរដ្ឋ 1Post មិនសូមការបញ្ជាក់ពីអាជ្ញាខាងលើបាននៅឡើយ។
គួរម្លឹកថា ប្រជាពលរដ្ឋ២៦០គ្រួសារ ស្ថិតនៅក្នុងឃុំគគី និងឃុំអំពិល ស្រុករមាសហែកខេត្តស្វាយរៀង កាលពីថ្ងៃទី២៣ ខែមិនា ឆ្នាំ២០១៧ ក្រុមហ៊ុន អ៊ិន ខែ វេន ឆ័រ (NKV) បានដាក់កម្លាំងចម្រុះ មានប៉េអឹម ប៉ូលីស ជាង៣០នាក់ ប្រដាប់ដោយកាំភ្លើងខ្លី និងវែង ចូលមកឈូឆាយដីគំរាមកំហែង និងចាប់ដាក់គុកបើមាននរណាម្នាក់មករារាំង ឬមកក្បែរដី៕ ប្រភព CCFC
