ប្រមូលផ្តុំគ្នាលេងអាប៉ោង ត្រូវបានសមត្ថកិច្ចចាប់ជាប់ ក្រោយមកមានអ្នកអន្តរាគមន៍ដោះលែង

កំពង់ស្ពឺ៖ មនុស្សប្រុសស្រីចំនួន៨នាក់ ត្រូវបានកម្លាំងអធិការដ្ឋាននគរបាលស្រុកសំរោងទងចាប់បាន ខណៈអ្នកលេងជាច្រើននាក់រត់គេចខ្លួន ពេលសមត្ថកិច្ចឡោមព័ទ្ធចាប់រសៀលថ្ងៃទី២៩ ខែមេសា ឆ្នាំ២០២១ ស្ថិតក្នុងភូមិសន្តិភាព ឃុំតាំងក្រូច ស្រុកសំរោងទង ខេត្តកំពង់ស្ពឺ ។

សេចក្ដីរាយការបានឲ្យដឹងថា ក្រុមអ្នកចាក់អាប៉ោងទាំងនេះមានការប្រមូលផ្តុំគ្នារាល់ថ្ងៃដុះស្លែយូរហើយមុនព្រឹត្តិារថ្ងៃ២០កុម្ភៈទៅទៀត ដោយ មិនគោរពវិធានការរបស់រាជរដ្ឋាភិបាលទាក់ទងនឹងវិធានទប់ស្កាត់កូវីដ-១៩នោះទេ។ ដោយមានខ្នងបង្អែករត់ការឱ្យលេង។

ក្នុងនោះដែរក្រោយការបង្ក្រាបភ្លាមៗ ក៏លិចឭមានអ្នកចង់អន្តរាគមន៍សុំដោះលែងអ្នកមួយចំនួន តែមិនដឹងបានសម្រេចឬយ៉ាងណា៕