ដោយលោក Trump នៅតែសង្ឃឹមថាបានជួប Zelensky ទៀតនាថ្ងៃមុខ ប៉ុន្តែលោកនឹងនិយាយជាមួយតែមេដឹកនាំណា ដែលមានគំនិតចង់បញ្ឈប់ការបង្ហូរឈាមប៉ុណ្ណោះ។ លោក Trump និយាយថា «យើងកំពុងស្វែងរកសន្តិភាព។ យើងមិនស្វែងរកនរណាម្នាក់ដែលនឹងចុះហត្ថលេខាលើអំណាចខ្លាំងពេក ហើយបន្ទាប់មកមិនរកសន្តិភាពនោះទេ។ គេគិតថាគេក្លាហាន គាត់កំពុងសម្លឹងមើលការប្រយុទ្ធ តែយើង កំពុង ព្យាយាម បញ្ចប់ ការ កាប់សម្លាប់»។
សូមរម្លឹកថា លោក Zelensky កាលពីថ្ងៃសុក្រទី២៨នកុម្ភៈ បានធ្វើដំណើរទៅទីក្រុងវ៉ាស៊ីនតោន ដើម្បីចុះហត្ថលេខាលើកិច្ចព្រមព្រៀងដោះដូរធនធានរ៉ែកម្រជាមួយជំនួយយោធាអាមេរិក យកទៅប្រយុទ្ធជាមួយរុស្ស៊ី។ នៅចចារនោះជម្លោះបានចាប់ផ្តើមនៅពេលលោក Trump ចោទ លោក Zelensky ថា មិនចេះដឹងគុណដល់ការ គាំទ្ររបស់សហរដ្ឋអាមេរិកខណៈអនុប្រធានាធិបតី JD Vance ក៏បានបន្ទរតាមក្រោយ ដោយរិះគន់លោក Zelensky សម្រាប់ការពិភាក្សាជាសាធារណៈលើបញ្ហាគោលនយោបាយ។
លោក Trump និយាយថា «អ៊ុយក្រែន កំពុងលលេងជាមួយសង្គ្រាមលោកលើកទី៣ ដោយសារតែមិនព្រមស្វែងរកសន្តិភាពជាមួយរុស្ស៊ី។ អ្វីដែលអ្នកធ្វើគឺមិនគោរពដល់ប្រទេសនេះនោះទេ ប្រទេសមួយដែលជួយអ្នកច្រើនជាងប្រជាជនអ្នកនិយាយទៅទៀត។ អ្នកគួរតែដឹងគុណជាងនេះ ខ្ញុំសូមប្រាប់អ្នកថា អ្នកគ្មានសន្លឹកបៀសម្រាប់លេងជាមួយយើងទេ អ្នកមានសន្លឹកបៀ ប៉ុន្តែបើគ្មានយើង អ្នកក៏គ្មានសន្លឹកបៀដែរ»។
ក្រោយការប្រកែកគ្នាយ៉ាងតឹងសរសៃ.កនេះ លោក Zelensky ក៏បានចាកចេញពីសេតវិមាន ហើយសន្និសីទកាសែតត្រូវបានលុបចោល ចំណែកកិច្ចព្រមព្រៀងរ៉ែ ក៏មិនបានចុះហត្ថលេខាដែរ។ រីឯលោក Trump ឯណោះ បានបង្ហោះលើប្រព័ន្ធផ្សព្វផ្សាយសង្គមថា «លោក Zelensky មិនទាន់ត្រៀមខ្លួនសម្រាប់ទទួលយកសន្តិភាពទេ គាត់អាចវិលមកវិញម្តងទៀតពេលត្រៀមខ្លួនរួចរាល់សម្រាប់ទទួលយកសន្តិភាព»៕
