បុរសម្នាក់បើករថយន្តច្នៃដឹកដំឡូងមីនៅក្នុងដីចំការកិនលើមីនតោនផ្ទុះបណ្ដាលឱ្យស្លាប់ពេលបញ្ជូនទៅកាន់មន្ទីរពេទ្យ កាលពីវេលាម៉ោងជាង ១៥ ថ្ងៃទី១៧ ខែមករា ឆ្នាំ២០២៥ នៅចំណុចភូមិកូនភ្នំខាងត្បូង ឃុំតាស្ដា ស្រុកសំពៅលូន ខេត្តបាត់ដំបង។
ប្រភពដំណឹងបានឱ្យដឹងថា មុនពេលកើតហេតុជនរងគ្រោះឈ្មោះ ថៃ សឿន អាយុ ៤២ឆ្នាំ បានបើករថយន្តច្នៃដឹកដំឡូងមីនៅក្នុងដីចំការ ក្រោយមកក៏បានកិនប៉ះលើមីនតោនផ្ទុះឡើងបណ្ដាលឱ្យរបួសជើងទាំងសងខាង និងក្បាលធ្ងន់ធ្ងរ ហើយបានដឹកបញ្ជូនទៅសង្គ្រោះនៅមន្ទីរពេទ្យខេត្តបាត់ដំបង ក្រោយមកក៏បានស្លាប់តែម្តង។ បច្ចុប្បន្នចាត់ចែងបុណ្យតាមប្រពៃណី៕
