ករណីបាក់រលំដើមឈើដ៏ធំមួយដើម នៅខ្លោងទ្វារខាងត្បូងប្រាសាទបាយ័ន បណ្ដាលឱ្យស្លាប់និងរបួស ៤នាក់ កាលពីវេលាម៉ោង ១៧ និង៤០នាទី ល្ងាចថ្ងៃទី២៣ ខែកក្កដា ឆ្នាំ២០២៤ ស្ថិតក្នុងភូមិត្រពាំងសេះ សង្កាត់គោកចក ក្រុង ខេត្តសៀមរាប ។
ប្រភពដំណឹងបានឱ្យដឹងថា មុនកើតហេតុមានភ្លៀងខ្យល់បក់បោកយ៉ាងខ្លាំងក៏បណ្ដាលឱ្យដើមឈើធំមានវ័យចំណាស់ផងនោះបានដួលរលំសង្កត់បង្កាន់ស្ពាននិងរ៉ឺម៉កម៉ូតូដឹកភ្ញៀវ បណ្តាលបុរសម្នាក់ស្លាប់ និងរបួសធ្ងន់ស្រាល៣នាក់ ត្រូវបានដឹកយកទៅសង្រ្គោះនៅមន្ទីរពេទ្យបង្អែកខេត្តសៀមរាប៕
