ក្រុមហ៊ុនវិរៈ ប៊ុនថាំ អេចប្រេស បានប្រកាសបើកជាផ្លូវការបើកជើងធ្វើដំណើរក្នុងស្រុក តាមទូកទំនើបល្បឿនលឿនរបស់ក្រុមហ៊ុន Buvasea Cambodia ដែលជាបុត្រសម្ព័ន្ធក្រុមហ៊ុនវិរ: ប៊ុនថាំ ពីកំពង់ផែទេសចរណ៍អន្តរជាតិកំពត ឆ្ពោះទៅកាន់ កោះរុង កោះរុងសន្លឹម និងកោះស្តេច។
អ្នកឧកញ៉ា សួរ វីរៈ បានបញ្ជាក់ថា នេះជាជើងទូកទំនើបល្បឿនលឿន ភ្ជាប់ពីកំពង់ផែទេសចរណ៍អន្តរជាតិកំពត ដែលមានទីតាំងស្ថិតនៅឃុំជុំគ្រៀល ស្រុកទឹកឈូ ទៅកាន់កោះល្បីៗដំបូងគេ ហើយក្រុមហ៊ុន វិរៈ ប៊ុនថាំ តែងតែមុនគេជានិច្ច ដើម្បីតម្រូវការវិស័យទេសចរណ៍នៅកម្ពុជា។
លិកអ្នកអាចសួរព័ត៌មានបន្ថែម និងការកក់សំបុត្រទៅកាន់លេខទូរសព្ទ័
-087 438 889
-092 438 889
-060 438 889
តេលេក្រាម: https://t.me/buvaseacambodia
សូមបញ្ជាក់ថា នាពេលកន្លងទៅកំពង់ផែទេសចរណ៍អន្តរជាតិខេត្តកំពត និងសេវាកម្មទូកល្បឿនលឿន រវាងក្រុមហ៊ុន វីរៈ ប៊ុនថាំ អេចប្រេស ជាមួយក្រុមហ៊ុន ខេអាយធីភី ឌីវេឡុបម៉ិន បុត្រសម្ព័ន្ធរបស់ក្រុមហ៊ុន AZ Group បានចុះ MOU ជាមួយគ្នា។ ដោយអ្នកឧកញ៉ា សួរ វីរៈ ជឿជាក់ថាកិច្ចសហការនេះ នឹងក្លាយជាច្រកទ្វារផ្លូវសមុទ្រអន្តរជាតិដ៏សំខាន់ ដែលរំពឹងទទួលអ្នកដំណើរភ្ញៀវទេសចរណ៏ជាតិ និងអន្តរជាតិប្រមាណ ១លាននាក់ នៅក្នុងឆ្នាំ២០២៦៕
