ក្នុងនាមជាដៃគូសហការគ្នាអស់រយៈពេលជាង ២ឆ្នាំមកហើយ លើកិច្ចការងារជំនាញវិជ្ជាជីវៈផ្នែកបដិសណ្ឋាកិច្ចវរវាងក្រុមហ៊ុន វីរៈប៊ុនថាំ អេចប្រេស និង ក្រុមហ៊ុន Elite Hospitality & Management ទើបបានឈានដល់ការចុះហត្ថលេខាធ្វើកិច្ចសន្យាបណ្ដាក់ទន់រួមគ្នាលើឧស្សាហកម្មបដិសណ្ឋាកិច្ចនេះតែម្ដង កាលពីថ្ងៃទី១៣ កុម្ភះ ឆ្នាំ២០២៥។
អ្នកឧកញ៉ា សួរ វីរៈ អគ្គនាយកក្រុមហ៊ុន វីរៈប៊ុនថាំ ហៅកាត់ VET បានថ្លែងឱ្យដឹងថា ក្នុងភាពជាដៃគូអស់រយៈពេល ២ឆ្នាំមកនេះ ដោយអាចទទួលយកបានអំពីសក្ដានុពលរបស់ក្រុមហ៊ុន Elite Hospitality & Management ដែលជាអ្នកបំពេញបានល្អនូវជំនាញវិជ្ជាជីវៈលើផ្នែកបដិសណ្ឋាកិច្ច ទើបក្រុមហ៊ុនវីរៈប៊ុនថាំ សម្រេចចិត្តបណ្ដាក់ទន់ជាមួយដើម្បីពង្រីកការអប់រំ និងសេវាកម្មជំនាញនេះបន្ថែមទៀត។ អ្នកឧកញ៉ាបន្តថា ចក្ខុវិស័យសម្រាប់កំណើន និងការច្នៃប្រឌិត ការបណ្តាក់ទុនរួមគ្នានេះតំណាងឱ្យច្រើនជាងកិច្ចព្រមព្រៀងអាជីវកម្មវាឆ្លុះបញ្ចាំងពីកទស្សនៈវិស័យរួមគ្នា ដើម្បីបង្កើនទេសភាពបដិសណ្ឋារកិច្ចរបស់កម្ពុជា។សម្លេង
លោក Faz Ghotbi អគ្គនាយកក្រុមហ៊ុន Elite Hospitality & Management ហៅកាត់ EHM បានថ្លែងឱ្យដឹងថា EHM មានជំនាញ និងបទពិសោធន៍យូរឆ្នាំ ការបណ្ដាក់ទន់នេះគឺមានកិច្ចសហប្រតិបត្តិការដោយរួមបញ្ចូលនូវកម្មវិធីបណ្តុះបណ្តាលជំនាញផ្នែកបដិសណ្ឋាកិច្ចដែលទទួលស្គាល់ជាស្តង់ដាអន្តរជាតិ។ ការអភិវឌ្ឍន៍កម្លាំងពលកម្ម បង្កើតឱកាសការងារ និងអាជីពលើវិស័ទេសចរណ៍។ ប្រតិបត្តិការល្អឥតខ្ចោះលើការអនុវត្តបដិសណ្ឋារកិច្ចគុណភាពខ្ពស់ស្តង់ដារគ្រប់គ្រងលើអចលនទ្រព្យ។ សម្លេង
សូមបញ្ជាក់ថា ភាពជាដៃគូរវាង EHM និង V.E.T ត្រូវបានគេរំពឹងថានឹងកំណត់ស្តង់ដារថ្មីមួយសម្រាប់គុណភាពសេវាកម្មនៅក្នុងទីផ្សារបដិសណ្ឋារកិច្ចកម្ពុជា អត្ថប្រយោជន៍សណ្ឋាគារ រមណីយដ្ឋាន និងអាជីវកម្មទេសចរណ៍ទូទាំងប្រទេស៕
