រថយន្ត២គ្រឿងបើកលឿនជ្រុលបុកគ្នាត្រង់ផ្លូវបំបែកជាបួនបណ្តាលឱ្យក្រឡាប់ផ្ងារជើងរងរបួស២នាក់ កាលវេលាម៉ោង៥និង៣០នាទីល្ងាចថ្ងៃទី០៧ ខែមិនា ឆ្នាំ២០២៣ ស្ថិតនៅផ្លូវជាតិលេខ៥ កែងផ្លូវជាតិលេខ៥៣ ក្នុងភូមិគល់គុប ឃុំស្រែថ្មី ស្រុករលាប្អៀរ ខេត្តកំពង់ឆ្នាំង។
ប្រភពដំណឹងបានឱ្យដឹងថា នៅមុនពេលកើតហេតុរថយន្តទាំង២គ្រឿងបានធ្វើដំណើរខ្វែងទិសគ្នា ដោយរថយន្តមួយគ្រឿង ជារថយន្តឃ្លុបក្លាស្សេ ពណ៌ស ពាក់ស្លាកលេខ AT 22-2 1079 បើកតាមបណ្ដោយផ្លូវជាតិលេខ៥ ពីត្បូងទៅជើង ដល់ចំណុចកើតហេតិ បានបុកជាមួយរថយន្តម៉ាកព្រុស ពណ៌ស ពាក់ស្លាកលេខភ្នំពេញ2BD-4935 បើកតាមផ្លូវជាតិលេខ៥៣ ពីលិចទៅកើត បណ្តាលឲ្យក្រឡាប់ផ្ងារជើងរងរបួស២នាក់។
ជនរងគ្រោះត្រូវបានបញ្ជូនទៅកាន់មន្ទីរពេទ្យ រីឯរថយន្តទាំង២គ្រឿងត្រូវបានសមត្ថកិច្ចធ្វើការវាស់វែងយកទៅរក្សាទុកនៅអធិការដ្ឋាននគរបាលស្រុក រងចាំដោះស្រាយគ្នាពេលក្រោយ៕
