រន្ធត់ណាស់! ឆ្លង ៤ករណី រៀងរាល់វិនាទី និងស្លាប់ច្រើនជាង ២នាក់ក្នុងមួយនាទី!

លោកស្រី Yasmin Haque តំណាងអង្គការ UNICEF ប្រចាំប្រទេសឥណ្ឌា បានថ្លែងតាមរយៈខលជាវីដេអូ ក្នុងសន្និសីទសារព័ត៌មានរបស់អង្គការ UN ថា “អ្វីដែលកំពុងកើតឡើងនៅក្នុងប្រទេសឥណ្ឌា គួរតែបង្កើនការប្រកាសអាសន្នសម្រាប់យើងទាំងអស់គ្នា”។

លោកស្រីបន្តថា រលកថ្មីនៃការឆ្លងជំងឺកូវីដ ១៩ កំពុងរីករាលដាលដូចជា “ភ្លើងឆេះព្រៃ” នៅទូទាំងប្រទេសឥណ្ឌា ពោលមានករណីឆ្លង ៤ករណី រៀងរាល់វិនាទី និងស្លាប់ច្រើនជាង ២នាក់ក្នុងមួយនាទី។

ប្រទេសឥណ្ឌាបានស្ថិតលើកំណត់ត្រា ពិភពលោកថ្មី កាលពីថ្ងៃព្រហស្បតិ៍ បន្ទាប់ពីប្រទេសនេះមានអត្រាឆ្លងខ្ពស់បំផុតក្នុងមួយថ្ងៃជាង ៤១២,០០០ ករណីក្នុងរយៈពេល ២៤ម៉ោងចុងក្រោយ៕