នៅក្នុងទីក្រុងបាងកក ប្រទេសថៃ បានរងគ្រោះដោយការរញ្ជួយដីកម្រិត ៧.៣រ៉ិចទ័រ ជាមួយនឹងជម្រៅ ១០គីឡូម៉ែត្រ។ មូលហេតុនៃគ្រោះរញ្ជួយដីខ្លាំងគឺពុំធ្លាប់មាននេះបណ្ដាលមកពីការរងឥទ្ធិពលពីប្រទេសមីយ៉ាន់ម៉ា ដែលបានរងគ្រោះរញ្ជួយដីកម្រិត ៧.៧រ៉ិចទ័រ ជាមួយជម្រៅ ១០គីឡូម៉ែត្រ កើតឡើងនៅ ថ្ងៃសុក្រ ទី២៨ ខែមីនា ២០២៥។
យោងតាមប្រភពបណ្តាញអ្នកធ្វើការនៅប្រទេសថៃ នៅក្នុងស្ថានភាព ករណីបាក់រលំអគារកំពុងសាងសង់នៅថៃ ដែលបណ្ដាលមកពីរញ្ជួយដី អាចនឹងមានពលករ កម្មករខ្មែរក្នុងចំណោមនោះច្រើននាក់នៅថ្ងៃសុក្រទី២៨ ខែមីនាឆ្នាំ២០២៥ វេលាម៉ោងជិត២រសៀល។
ខណៈពេលនេះក្រុមការងារសង់ត្រាល់ ប្រចាំប្រទេសថៃ កំពុងស្រាវជ្រាវតាមដានព័ត៌មានច្បាស់ការបន្ថែមទៀត ទាក់ទិននឹងពលករខ្មែរ ដែលកំពុងធ្វើការក្នុងអាគារបាក់ស្រុត កំពស់៥០ជាន់ នាំឲ្យមានការខូចខាតទាំងស្រុង។ ជាមួយគ្នានេះប្រភពនៅប្រទេសថៃបានអះអាងថា សូម្បីអគាររដ្ឋាភិបាល អគារសភាក៏មានភាពញ័រដែរ។ យោងប្រភពបន្ថែមថា ពលករដែលកំពុងធ្វើការទីនោះ ៣១៧នាក់ ក្នុងនោះ ៨០នាក់ទាក់ទងមិនបាន។
