ក្រុមហ៊ុន ខូសថល ស៊ីធី ឌីវេឡុបម៉ិន គ្រុប ឯ.ក និង វិរៈ ប៊ុនថាំ អេចប្រេស កាលពីព្រឹកថ្ងៃទី ១០ ខែមីនា ឆ្នាំ ២០២៥ បានចុះហត្ថលេខាលើកិច្ចសន្យាទិញដីទំហំ ៨.៥ ហិកតា ដើម្បីអភិវឌ្ឍ Royal Beach Resort, Seaplane Station, និង Marina ស្ថិតនៅស្រុកគីរីតារាសាគរ ខេត្តកោះកុង។
បើតាមក្រុមហ៊ុន ខូសថល ស៊ីធី ឌីវេឡុបម៉ិន គ្រុប ឯ.ក បានលើកឡើងលើផេកហ្វេសបុកផ្លូវការរបស់ខ្លួនថា នេះជាជំហានសំខាន់ក្នុងកិច្ចសហការយុទ្ធសាស្ត្រ ដែលមានបំណងបង្កើត ទិសដៅទេសចរណ៍ស្តង់ដារពិភពលោក ដែលរួមបញ្ចូលនូវវប្បធម៌ ការពារបរិស្ថាន និងសេវាកម្មទេសចរណ៍កម្រិតខ្ពស់។ ពិធីចុះហត្ថលេខា មានការចូលរួមពីថ្នាក់ដឹកនាំសំខាន់ៗ ដែលបានបង្ហាញចក្ខុវិស័យរួមក្នុងការលើកកម្ពស់ឧស្សាហកម្មទេសចរណ៍កម្ពុជា។ អនាគតដ៏ភ្លឺស្វាងកំពុងរង់ចាំ តារាសាគរ!
អ្នកឧកញ៉ា សួរ វីរៈ អគ្គនាយកក្រុមហ៊ុនវីរៈប៊ុនថាំ អេចប្រស បានលើកឡើងផងដែរថា ការចុះ MOU ជាមួយដៃគូខាងលើគឺ ដើម្បីចូលរួមបង្កើតផលិតផលទេសចរណ៌ ជំរុញកំណើនសេដ្ឋកិច្ចប្រទេសកម្ពុជាជាមួយរាជរដ្ឋាភិបាល និងបង្កើតការងារបន្ថែមដល់សហគមន៌ជួបគ្នាឆាប់ៗ Royal Beach Resort & Residence។
សូមបញ្ជាក់ថា តំបន់អភិវឌ្ឍន៍តារាសាគរ ដែលមានរីសត កាស៊ីណូ ព្រលានយន្តហោះ កំពង់ផែ និងកន្លែងកម្សាន្តជាច្រើន នៅជាប់នឹងទីប្រជុំជនកោះស្ដេចដែលជាកន្លែងមានសក្ដានុពលលើវិស័យទេសចរណ៍ សេដ្ឋកិច្ច និងពាណិជ្ជកម្ម៕
