បន្ទាប់ពីមើលមិនស្គាល់អត្តសញ្ញាណអ្នកស្លាប់មួយចំនួននៃគ្រោះថ្នាក់យន្តហោះនៅកូរ៉េ ឥលូវត្រូវបានបញ្ជាក់ហើយ

យោងតាមរបាយការណ៍ស្ថានភាពគ្រោះថ្នាក់យន្តហោះដឹកអ្នកដំណើរតាមអាកាសចេញផ្សាយដោយទីស្នាក់ការកណ្តាលប្រឆាំងគ្រោះមហន្តរាយ និងសុវត្ថិភាពរបស់កូរ៉េខាងត្បូង នៅថ្ងៃទី 1 អត្តសញ្ញាណនៃអ្នកស្លាប់ទាំង 179 នាក់ត្រូវបានបញ្ជាក់គិតត្រឹមម៉ោង 6 ព្រឹកថ្ងៃនេះ។ ពោលគឺអត្តសញ្ញាណអ្នកស្លាប់ទាំង៥នាក់ ដែលមិនទាន់ស្គាល់អត្តសញ្ញាណកាលពីគ្រាមុនឥលូវសុទ្ធតែត្រូវបានបញ្ជាក់នៅថ្ងៃនេះ។ 

មនុស្សសរុបចំនួន 181 នាក់នៅលើយន្តហោះដែលជួបគ្រោះថ្នាក់នោះ សមាជិកនាវិកពីរនាក់ត្រូវបានជួយសង្គ្រោះបន្ទាប់ពីឧបទ្ទវហេតុនេះ។ ក្នុងនោះរដ្ឋាភិបាលកំពុងផ្តល់ជំនួយផ្នែកវេជ្ជសាស្រ្តសង្គ្រោះបន្ទាន់ ពិធីបុណ្យសព និងជំនួយផ្លូវចិត្តដល់ក្រុមគ្រួសារនៃអ្នកស្លាប់ ខណៈដែលកំពុងប្រតិបត្តិការការិយាល័យកណ្តាលគ្រប់គ្រងគ្រោះថ្នាក់ដើម្បីស៊ើបអង្កេតមូលហេតុពិតប្រាកដនៃគ្រោះថ្នាក់៕