សារព័ត៌មានកូរ៉េបានឱ្យដឹងថា ជើងហោះហើរ 7C101 មួយគ្រឿងទៀតរបស់អាកាសចរណ៍ Jeju Air ដែលបានហោះចាកចេញពី អាកាសយានដ្ឋានអន្តរជាតិ Gimpo គ្រោងឆ្ពោះទៅកាន់ទីក្រុង Jeju កាលពីវេលាម៉ោង៦៖៣៧នាទីព្រឹក បានជួបបញ្ហាមួយពាក់ព័ន្ធទៅនឹងកង់ បន្ទាប់ពីហោះឡើងបានបន្តិចក៏បានត្រឡប់មកកាន់អាកាសយានដ្ឋាន Gimpo វិញ ដោយចុះចតដោយសុវត្ថិភាព នៅម៉ោង៧៖២៥នាទីព្រឹក។
កង់គឺជាផ្នែកដ៏សំខាន់ ដែលជាប់ពាក់ព័ន្ធដោយផ្ទាល់ ជាមួយសុវត្ថិភាពនៃជើងហោះហើរមួយ ពោលគឺពួកវាជួយធានាសុវត្ថិភាព សម្រាប់ការហោះឡើង និងចុះចតរបស់យន្តហោះ ហើយកាត់បន្ថយហានិភ័យ អំឡុងការចុះចតលក្ខណៈបន្ទាន់។
សូមរម្លឹកថា ករណីគ្រោះថ្នាក់យន្តហោះរបស់ អាកាសចរណ៍ Jeju Air ១គ្រឿង ម៉ូដែល Boeing B737-800 ដែលបានរអិលធ្លាក់ចេញពីផ្លូវនៅអាកាសយាន្តដ្ឋាន Muan កាលពីថ្ងៃអាទិត្យស្លាប់មនុស្ស ១៧៩នាក់ នោះត្រូវបានជឿថា មានបញ្ហជាប់គាំងកង់របស់វាដែលមិនអាចបញ្ចេញមកខាងក្រៅបានជាហេតុបង្ខំឱ្យយន្តហោះត្រូវចុះចតទើបបង្កគ្រោះថ្នាក់បែបនេះ៕
