ភ្នំពេញ៖ បុរសម្នាក់ដែលជាប្ដីបានអារក សម្លាប់ប្រពន្ធ នៅក្រុងសៀមរាបរួចរត់គេចខ្លួនមកភ្នំពេញត្រូវបានកម្លាំងនគរបាលព្រហ្មទណ្ឌក្រសួងមហាផ្ទៃ ដឹកនាំសហការគ្នាស្រាវជ្រាវ ឃាត់ខ្លួនបានសម្រេចនៅវេលាម៉ោង ២និង២០នាទីរសៀល ថ្ងៃទី០៣ ខែធ្នូ ឆ្នាំ២០២១ នៅចំណុចរង្វង់មូលព្រះនរាយណ៍ សង្កាត់ដើមមៀន ក្រុងតាខ្មៅ ខេត្តកណ្ដាល។
ជនសង្ស័យជា ប្តីឈ្មោះ ធួក ឈាត អាយុ៤៣ឆ្នាំ មានមុខរបរ រត់រត់ម៉ូតូកង់បី។ ចំណែកប្រពន្ធដែលស្លាប់មានឈ្មោះ សូ ចន្ធី ភេទស្រី អាយអាយុប្រហែល៤០ឆ្នាំ។ ជនសង្ស័យបានសារភាពផងដែរថា ហេតុការណ៍នេះកើតឡើងដោយសារតែរឿងប្រច័ណ្ឌ។
សូមរំលឹកថា កាលពីវេលាម៉ោង១រសៀលថ្ងៃទី០២ ខែធ្នូ ឆ្នាំ២០២១ មានករណីឃាតកម្ម ប្តី អារកសម្លាប់ប្រពន្ធខ្លួនឯងស្ថិតនៅក្បែរផ្សារដើមក្រឡាញ់ ភូមិទក្សិណខាងត្បូងសង្កាត់គោកចក ក្រុងសៀមរាប៕
