អតីតតំណាងរាស្រ្តនៃគណបក្សសង្រ្គោះជាតិ មណ្ឌលខេត្តកំពង់ធំ លោក លឹម គឹមយ៉ា សញ្ជាតិខ្មែរ~បារាំង ត្រូវបានគេបាញ់សម្លាប់នៅទីក្រុងបាំងកក ប្រទេសថៃ កាលពីថ្ងៃទី ៧ មករា ២០២៥ គ្រាដែលលោកធ្វើដំណើរទៅទីក្រុងបាងកក តាមរថយន្តក្រុងពីខេត្តសៀមរាប ជាមួយប្រពន្ធជនជាតិបារាំង និងពូម្នាក់ជាខ្មែរ។ នេះបើតាមសារព័ត៌មានបាងកកប៉ុស្តិ៍។
ការបាញ់សម្លាប់អតីតតំណាងរាស្រ្តបក្សប្រឆាំង អាយុ ៧៣ឆ្នាំរូបនេះមិនទាន់ដឹងជាករណីអ្វីនោះទេ ដោយសមត្ថកិច្ចថៃកំពុងធ្វើការសើបអង្កេត និងតាមរកចាប់ខ្លួនជនដៃដល់។
លោក លឹម គឹមយ៉ា អាយុ៧៣ឆ្នាំ ស្លាប់នៅកន្លែងកើតហេតុ បើតាមវីដេអូកាមេរ៉ាឃើញបុរសម្នាក់ជិះម៉ូតូម៉ាកហុងដាវ៉េវ C100 ពណ៌ក្រហមស្លាកលេខ 845 ពាក់មួកសុវត្ថិភាព ខោខូវប៊យវែង និងអាវដៃខ្លីពណ៌ប្រផេះ មានស្ពាយកាបូបពីខាងមុខដែលគេជឿថាមានកាំភ្លើងលាក់ទុកក្នុងនោះ៕
