បើតាមការសិក្សាស្រាវជ្រាវរបស់ Seasia Stats កាលពីឆ្នាំ ២០២២ និងឆ្នាំ ២០២៣ បានបង្ហាញថា ប្រទេសកម្ពុជា ស្ថិតនៅចំណាត់ថ្នាក់លេខ ៣ ជាប្រទេសក្រីក្របំផុតក្នុងតំបន់អាស៊ាន គ្រាដែលប្រទេសមីយ៉ាន់ម៉ា នៅចំណាត់ថ្នាក់លេខ ១ ជាប្រទេសក្រីក្របំផុត។
ការសិក្សាស្រាវជ្រាវបានរកឃើញថា ប្រទេសមីយ៉ាន់ម៉ា មានប្រជាជនក្រីក្ររហូតដល់ជិតពាក់កណ្ដាលគឺ ៤៩,៧ %នៃប្រជាជនសរុប ដែលការសិក្សានេះត្រូវបានធ្វើឡើងនៅក្នុងឆ្នា២០២៣។ ប្រទេសលំដាប់ទី ២ គឺប្រទេសទីម័រ ដែលទើបត្រូ វបានចូលជាសមាជិកអាស៊ានកាលពីឆ្នាំ ២០២២។ ប្រទេសនេះមានប្រជាជនក្រីក្រ ៤៨,៣%។ ការសិក្សាត្រូវបានធ្វើឡើងនៅក្នុងឆ្នាំ ២០២២។
ចំណែកកម្ពុជា ចំណាត់ថ្នាក់លេខ ៣ ក្នុងតំបន់អាស៊ានត្រូវ បានរកឃើញថា ប្រជាជនប្រមាណ ១៦,៦% ស្ថិតនៅក្នុងខ្សែបន្ទាត់ក្រីក្រកាលពីឆ្នាំ ២០២២ ។ ដោយឡែក ប្រទេសវៀតណាម មានប្រជាជនក្រីក្រប្រ មាណ ៣,៤%ប៉ុណ្ណោះ និងស្ថិតនៅលំដាប់ទី ៨ ក្នុងតំបន់អាស៊ាន។ ប្រទេសថៃ មានប្រជាជនប្រមាណ ៥,៤% ស្ថិតនៅខ្សែបន្ទាត់ ក្រីក្រ។ ប្រទេសឡាវ ការសិក្សាមិនបានបង្ហាញនោះទេ ប៉ុន្តែកាលពីឆ្នាំ ២០១៨ ប្រទេសនេះមានអត្រាប្រជាជនក្រីក្រចំនួន១៨,៣%៕
