ព្រះសង្ឃមួយអង្គត្រូវបានគេចាប់ផ្សឹកបន្ទាប់ពីត្រូវបានអ្នកស្រុកប្រទះឃើញបើកឡាននិងដើរលេងនៅមាត់សមុទ្រ Na Jomtien ក្នុងក្រុង Sattahip កាលពីម្សិលមិញទី២ ខែកក្កដា។
លោក Udom Suwankana មេភូមិណាចោមទៀន១ រួមនឹងជំនួយការបានចុះពិនិត្យឆ្នេរនៅម៉ោង១២ និង១០នាទីព្រឹក បន្ទាប់ពីមានសេចក្តីរាយការណ៍ថា មានព្រះសង្ឃមួយអង្គនៅក្នុងរថយន្ត Isuzu ពណ៌លឿងចាស់។ អ្នកស្រុកបានចោទសួរថា តើបុរសរូបនោះពិតជាព្រះសង្ឃមែនឬទេ ហើយតើអាកប្បកិរិយារបស់គាត់សមឬអត់?
ពេលនោះប៉ូលិសបានពិនិត្យឃើញព្រះសង្ឃមួយអង្គព្រះនាម Luang Ta Noo Thi Thinrat អង្គុយក្នុងកៅអីអ្នកបើកបរស្លៀកសម្លៀកបំពាក់ព្រះសង្ឃពណ៌ទឹកក្រូច។ គាត់មិនមានវិញ្ញាបនបត្រព្រះសង្ឃបច្ចុប្បន្នទេ មាន មានតែក្រដាសចាស់ដែលចេញតាំងឆ្នាំ ១៩៩១ ពីវត្ត Jomsri ក្នុងខេត្ត Udon Thani ។
នៅខាងក្នុងឡាននោះ ប៉ូលីសបានរកឃើញអាហារដែលដាក់លក់នៅរាយប៉ាយ ខ្លះរលួយរួចជាស្រេច គំនរលាមក និងសម្លៀកបំពាក់ធម្មតាមួយចំនួន ដែលគាត់អះអាងថាជារបស់កូនប្រុសពិការរបស់គាត់។
Luang Ta Noo Thi បានពន្យល់ប្រាប់ប៉ូលីសថា គាត់បានបើកឡានចេញពីគេហដ្ឋានរបស់គាត់ក្នុងខេត្ត Nakhon Ratchasima ទៅកាន់ Sattahip ដើម្បីនាំកូនប្រុសពិការរបស់គាត់ដែលមិនមានវត្តមាននៅកន្លែងកើតហេតុទៅឆ្នេរ។ គាត់បានប្រកែកថា មន្ត្រីប៉ូលិសមិនបានសាកសួរគាត់នៅប៉ុស្តិ៍ត្រួតពិនិត្យទេ ដោយសារពួកគេស្គាល់គាត់ច្បាស់។
ព្រះសង្ឃនោះបញ្ជាក់ថា ខ្លួនត្រូវបួសព្រោះចាស់ពេក មិនអាចធ្វើអ្វីផ្សេងបាន។ ពេលនេះគាត់ត្រូវបានគេចាប់ផ្សឹកហើយ គាត់មិនប្រាកដថាត្រូវធ្វើអ្វីទៀត ហើយគ្រោងនឹងបើកឡានត្រឡប់ទៅស្រុកកំណើតវិញ៕
