ក្រសួងទេសចរណ៍បានប្រកាសឱ្យដឹងថា ពេលវេលាដែលព្រះអាទិត្យរះចំពីលើកំពូល ប្រាសាទអង្គរវត្ត ដែលគេហៅថា ព្រឹត្តិការណ៍សមរាត្រីអង្គរ នឹងចាប់ផ្ដើមកើតមានពីស្អែកនេះ ពោលគឺចចន្លោះ ថ្ងៃទី២០មីនា ដល់ថ្ងៃទី២៣ មីនា ចន្លោះម៉ោង ៥ព្រឹក ដល់ម៉ោង ៧ព្រឹក។
ព្រឹត្តិការណ៍សមរាត្រីអង្គរឆ្នាំ២០២៤ នេះ ក្រសួងទេសចរណ៍ ក៏មានរៀបចំការប្រកួតប្រជែងរូបថត “សមរាត្រីអង្គរអច្ឆរិយៈ” ដែលអនុញ្ញាតឱ្យភ្ញៀវទេសចរជាតិ-អន្ដរជាតិ ព្រមទាំងមហាជនទូទៅអាចចូលរួមប្រកួតថតរូបស្អាតៗក្នុងព្រឹត្តិការណ៍នេះ។ ក្នុងនោះ ក្រសួងទេសចរណ៍បានត្រៀមរង្វាន់ជូនដល់អ្នកដែលផ្តិតរូបភាពបានស្អាតជាងគេចាប់ពី ១លាន ដល់ ៣លានរៀល រួមទាំងលិខិតសរសើរផងដែរ៕
