ខេត្តកណ្ដាល៖ លោក អ៊ូច សាវឿន អភិបាលស្រុកកណ្ដាលស្ទឹង នៅរសៀលថ្ងៃទី០៣ ខែមករា ឆ្នាំ២០២១ បានឱ្យដឹងថា នៅក្នុងសប្ដាហ៍នេះ អាជ្ញាធរស្រុកកណ្ដាលស្ទឹង នឹងចុះបិទអាជីវកម្មរណ្ដៅខ្សាច់របស់លោក ហាក់ ថាវរី ដែលស្ថិតនៅភូមិច្រឡាំង ឃុំរលាំងកែន ស្រុកកណ្ដាលស្ទឹង ខេត្កណ្ដាលបន្ទាប់ពីមានការឯកភាពពីលោកអភិបាលខេត្ត។
សូមរំលឹកថា កាលពីថ្ងៃទី២១ ខែមករា ឆ្នាំ២០២១ វេលាម៉ោង១៦: ៥០នាទី មានក្មេង ប្រុស០២នាក់ ជាសិស្សសាលាបានលង់ទឹកស្លាប់នៅក្នុងរណ្ដៅខ្សាច់ខាងលើ នាំឱ្យអាណាព្យាបាល និងអ្នកភូមិខឹងសម្បា និងសំដែងនូវក្ដីព្រួយបារម្ភ ចំពោះទីតាំងការដ្ឋានរណ្ដៅដី ខ្សាច់ លោក ហាក់ ថាវរី កំពុងធ្វើសកម្មភាពកាប់កាយបូមយកខ្សាច់លក់ជារៀងរាល់ថ្ងៃកាន់តែជ្រៅទៅៗ មិនគោរបទដ្ឋានបច្ចេកទេស អត់ធ្វើរបងពន្ធ័ជុំវិញ ដែលងាយរងគ្រោះថ្នាក់ដល់អាយុជីវិតមនុស្ស និងសត្វ ព្រោះតែនៅកៀកនឹងភូមិ៕
