បន្លំទិញឡាន ម្ចាស់គេភ្លេចខ្លួនយកប្រាយបាញ់មុខ បើកឡានរត់គេចធ្លាក់ទឹកព្រែក

ជនសង្ស័យម្នាក់បានធ្វើសកម្មភាពបន្លំខ្លួនជាអ្នកទៅទិញរថយន្ត ខណៈពេល ជនរងគ្រោះភ្លេចខ្លួនបានយកស៊ុបប្រាយមកបាញ់ភ្នែកជនរងគ្រោះបណ្តាលឱ្យរងរបួស ហើយក៏បើករថយន្តរត់គេចខ្លួន។ ក្រោយមកកម្លាំងសមត្ថកិច្ចក៏បានធ្វើការដេញតាមពីក្រោយជនសង្ស័យបានបើករថយន្តធ្លាក់ចូលទឹកព្រែក

ដែលស្ថិតនៅក្នុងភូមិបាគូរ ស្រុកកណ្តាលស្ទឹង ខេត្តកណ្តាល កាលពីវេលាម៉ោង១និង៤០នាទីរសៀល ថ្ងៃទី១៣ ខែមីនា ឆ្នាំ២០២៣ ហើយរត់គេចខ្លួនបាត់។ បច្ចុប្បន្នសមត្ថកិច្ចជំនាញ កំពុងតែធ្វើការស្រាវជ្រាវតាមចាប់ខ្លួនជនសង្ស័យខាងលើយកមកអនុវត្តនីតិវិធី៕