សេចក្ដីរាយការណ៍មកថា ទោះក្នុងរដូវកាលឆ្លងរាលដាលជំងឺកូវិដ១៩ ច្រើនរយនាក់ក្នុងមួយថ្ងៃៗ មានក្រុមកាងឆ្នោតយួនដឹកនាំដោយបងធំឈ្មោះឆាយ រហ័សនាម K9 ដែលយកឈ្មោះលោកឧកញ៉ា ខ្នា មកគំរាមកូនកញ្ច្រែងកត់ឆ្នោតខុសច្បាប់ដូចគ្នានៅភូមិសាស្ត្រខេត្តកំពត ឱ្យកត់ប្រមូលលុយដាក់ស៉ីសងឱ្យក្រុមខ្លួនតែបើមិនព្រម បងធំឆាយ នឹងប្រើសិល៍ល្បិចល្បួងសែនអ្នកតាម្ចាស់ទឹកដីឱ្យកាច់ទីតាំងនោះភ្លាម។
ដោយគេអួតក្អេងក្អាងថា មើលហ្ន! ទីតាំងយីហោ K9 ធំៗស្ថិតនៅភូមិសុវណ្ណសាគរ ភូមិកំពង់បាយខាងត្បូង ក្នុងសង្កាត់កំពង់បាយ ក្រុងកំពត ខេត្តកំពត និងភូមិត្រពាំងធំ សង្កាត់ជុំគ្រៀល ស្រុកទឹកឈូក ខេត្តកំពត បច្ចុប្បន្នកំពុងបេីកលេងយ៉ាងរលូនដូចត្រូវប្រេងរំអិល តើមានដែលឃើញសមត្ថកិច្ចបង្ក្រាបអត់?
សេចក្ដីរាយការណ៍ដដែលបន្តថា ក្រុមកាងឆ្នោយយួនដឹកនាំដោយបងធំឈ្មោះឆាយ«K9» ដំបូងឡើយនិយាយបញ្ចុះបញ្ចូលលួងលោម បើរឹងទទឹងក៏គំរាមអ្នកកត់ឆ្នោតនៅតាមតូបផ្សារ តាមផ្ទះ ដោយអាងឧកញ៉ាគេខ្នងធំសម្បើមណាស់ បើបានស្ដាប់ហើយឡើងព្រឺសម្បុរខ្ញាកៗ។
ទាក់ទងរឿងល្បែងប្រជាប្រិយនេះ លោកឧត្តមសេនីយ៍ទោ ម៉ៅ ចន្ទមធុរិទ្ធ ស្នងការនគរបាលខេត្តកំពតបានឱ្យអ្នកសារព័ត៌ដឹងថា ឱ្យតែកន្លែងណាដែលបើកអាជីវកម្មឆ្នោតខុសច្បាប់ លោកត្រូវតែបង្ក្រាបទាំងអស់។ហើយចំពោះករណីក្រុមអ្នកកាងឆ្នោតយួនយីហោ K9 ប្រសិនបេីមានវិញលោកនឹងបញ្ជាកម្លាំងឱ្យបង្រ្កាបភ្លាម។ តែរហូតដល់ថ្ងៃទី២៨ ខែមិថុនា ទីតាំងសង្ស័យដូចរៀបរាប់ខាងលើបន្តកត់យកលុយពលរដ្ឋឡើងត្រជាល្ហឹម។
ដោយឡែកលោកឧកញ៉ា ខ្នា នៅថ្ងៃទី២៨ ខែមិថុនា ឆ្នាំ២០២១ មិនអាចទំនាក់ទំនងសុំការបញ្ជាក់បាននៅឡើយ៕ 1Post
