Top news ៖ ករណីបាក់ស្ពានមួយកន្លែងនៅប្រទេសប្រេស៊ីលបណ្តាលឱ្យស្លាប់មនុស្សចំនួន៣នាក់ និង១៥នាក់ផ្សេងទៀតបានបាត់ខ្លួន បានកើតឡើង នៅឯរដ្ឋ Amazonas ស្ថិតនៅភាគខាងជើងនៃប្រទេស កាលពីថ្ងៃពុធទី២៨ ខែកញ្ញា ឆ្នាំ២០២២។
ស្ពានមួយនេះតភ្ជាប់ទៅផ្លូវហាយវេ BR-319 នៅក្នុងទីក្រុង Careiro ស្ថិតនៅចម្ងាយជាង១០០គីឡូម៉ែត្រពីរដ្ឋធានីម៉ាណូស (Manaus) នៃរដ្ឋអាម៉ាហ្សូណាស់ បានបាក់រលំ។
បើតាមអាជ្ញាធរប្រេស៊ីល មនុស្ស១៤នាក់ ក៏បានរងរបួសផងដែរ នៅក្នុងហេតុការណ៍បាក់ស្ពានខាងលើដែលកើតឡើងនៅពេលមានរថយន្ដជាច្រើនគ្រឿងបើកឆ្លងកាត់។
នៅមិនទាន់មានការបញ្ជាក់ពីមូលហេតុបណ្ដាលឱ្យបាក់ស្ពាននេះនៅឡើយទេ ខណៈក្រុមអ្នកជួយសង្រ្គោះកំពុងតាមស្វែងរកមនុស្ស១៥នាក់ ដែលបានបាត់ខ្លួន៕ Reuters
