បរទេស៖ ទីបំផុតបវរកញ្ញាមីយ៉ាន់ម៉ា ឈ្មោះ Thaw Nadar Aung ហៅ Han Lay ដែលត្រូវកាក់នៅក្នុងអាកាសយានដ្ឋានសុវណ្ណភូមិនាក្រុងបាងកក ប្រទេសថៃ ព្រោះតែលិខិតឆ្លងដែនរបស់នាងត្រូវបានទុកជាមោឃៈដោយរដ្ឋាភិបាលមីយ៉ាន់ម៉ានោះ ពេលនេះបានទទួលសិទ្ធិស្នាក់នៅក្នុងប្រទេសកាណាដាហើយ។
បើតាមកាសែតបាងកកប៉ុស្តិ៍ នាងនឹងចេញដំណើរនៅថ្ងៃនេះដោយទៅដូរយន្តហោះនៅក្រុងសេអ៊ូលប្រទេសកូរ៉េខាងត្បូង ដើម្បីបន្តទៅប្រទេសកាណាដានាយប់នេះ។
សូមរម្លឹកថា ទោះជាមានការស្នើពីរដ្ឋាភិបាលមីយ៉ាន់ម៉ា ទៅភាគីថៃឱ្យបញ្ជូននាង តែគឺមិនត្រូវបានចាប់បង្ខំឱ្យនាងវិលទៅប្រទេសខ្លួនវិញទេ បន្ទាប់ពីនាងត្រូវបានអាជ្ញាធរថៃមិនឱ្យចូលក្នុងប្រទេស។ គ្រាថ្ងៃទី២៤ កញ្ញា ២០២២ នាងស្ថិតនៅក្នុងការគាំពាររបស់អង្គការ UNHCR ក្នុងអាកាសយានដ្ឋានសុវណ្ណភូមិ។
ពេលនៅប្រទេសថៃ នាងបានស្វែងរកសិទ្ធិជ្រកកោននៅប្រទេសកាណាដា និងបន្តទិដ្ឋាការទេសចរណ៍ថៃជារៀងរាល់ពីរខែ។ ទោះជាយ៉ាងណាក៏ដោយ នៅពេលដែលនាងឈានដល់ដែនកំណត់ដែលអាចអនុញ្ញាតបាន។ នាងបានហោះទៅកាន់ទីក្រុង Da Nang ប្រទេសវៀតណាម។ ជាកុសលទីបំផុតដោយមានការជ្រោមជ្រែងពី UNHCR ទើបនាងបានទៅជ្រកកោននៅប្រទេសកាណាដាតាមបំណង៕ 1Post
