ប្រធានាធិបតី Xi Jinping នៃប្រទេសចិន បាននិយាយថា ក្រុមប្រឹក្សាសហភាពសហប្រតិបត្តិការសាងហៃ (SCO) រំពឹងទុកឱ្យមាន “ការទទួលខុសត្រូវកាន់តែច្រើន” ក្នុងការថែរក្សាសន្តិភាព និងស្ថិរភាពនៅតំបន់ ស្របពេលដែលមានកិច្ចប្រជុំ SCO នៅទីក្រុង Tianjin ប្រទេសចិន កាលពីថ្ងៃទី៣១ ខែសីហា ឆ្នាំ២០២៥។
សូមរម្លឹកថា អង្គការនេះត្រូវបានបង្កើតឡើងនៅឆ្នាំ ២០០១ នៅទីក្រុងសាងហៃ ប្រទេសចិន ដោយមានប្រទេសសមាជិកដើមឡើយចំនួន ៦ (ចិន, រុស្ស៊ី, កាសាក់ស្ថាន, គៀហ្ស៊ីស្ថាន, តាជីគីស្ថាន និងអ៊ុយបេកីស្ថាន) ហើយបន្ទាប់មកបានពង្រីកបន្ថែម។
វាជាក្រុមប្រឹក្សាអន្តរជាតិនយោបាយ សន្តិសុខ និងសេដ្ឋកិច្ច ដែលផ្តោតលើការរក្សាសន្តិភាពតំបន់សុវត្ថិភាព និងការសហការអភិវឌ្ឍ។ ហើយពាក្យថា ក្រុមប្រឹក្សាសហភាពសហប្រតិបត្តិការសាងហៃ SCO អក្សកាត់មកពី Shanghai Cooperation Organization ឬ អង្គការសហប្រតិបត្តិការសាងហៃ៕ តាពេជ្រ
