មេយោធានៅតំបន់កោះកុងក្រៅនិងក្រុមការងាររងការចោទថា ចាប់ផ្លែសំរងអ្នកភូមិអាឡាតាន់ ទុកចោល៤ថ្ងៃដោយពុំសមហេតុផល ក្រោយកូនស្រីបង្ហោះវីដេអូសកម្មភាពនោះលើបណ្ដាញសង្គមទើបហៅទៅយកវិញ តែពួកគាត់មិនទៅយកទេព្រោះតែរយៈយូរដូចនេះវាខូចទៅហើយ ក្រោយមកក៏ដឹកឱ្យដល់ផ្ទះសម្របសម្រួលទើបព្រមទទួល។
អ្នកស្រី អាន ណេត ភាគីប្រជាពលរដ្ឋបានឱ្យ 1Post ដឹងថា មុនពេលកើតរឿងទាំងឱពុករបស់លោកស្រីអាយុជាង ៧០ឆ្នាំ ប្ដីបស់អ្នកស្រីនិងប្អូនប្រុសរបស់អ្នកស្រី ជាអ្នកទៅរកផលសំរងដូចអ្នកភូមិដទៃទៀតនៅក្នុងព្រៃលើកោះកុងក្រៅ ដោយរកបានពីប្រភេទពណ៎ខៀវ ២២គីឡូ ពណ៌ខ្មៅ ១៩គីឡូជាផ្លែចាស់មិនមែនខ្ចីទេ តែត្រូវបានក្រុមយោធាកូនចៅលោក ធឿង វែង ចាប់យកតាមបញ្ជាមេដោយពុំប្រាប់មូលហេតុច្បាស់លាស់។ សម្លេង
លោកស្រីបន្តថា មូលហេតុនៃការចាប់បើតាមការខ្សឹបខ្សៀវពីអ្នកភូមិសង្ស័យថា អាចមកពីមិនលក់ផ្លែសម្រង់ឱ្យទៅភាគីលោក ធឿង វែង ជាមេយោធា និងជាឈ្មួញកណ្ដាលរកស៊ីទិញផ្លែសំរងនេះដែរ។ សម្លេង
ទាក់ទងការលើកឡើងនេះភាគីលោក ធឿង វែង បានឱ្យដឹងថា មូលហេតុនេះគឺមកពីការឡើងកាប់សម្រង់នៅក្នុងតំបន់កាន់របស់កងទ័ព ហើយក៏មិនហាមជាដាច់ខាតដែរ ប៉ុន្តែការកាប់នោះមិនបានប្រាប់ជាមុន ហើយកាប់ទៅលើផ្លែខ្ចីទៀត ទើបឃាត់ដើម្បីសាកសួរណែនាំតែខាងពលរដ្ឋប្រើពាក្យសម្ដីមិនសមរម្យ។ សម្លេង
សម្រាប់ការលើកឡើងថា លោក ធឿង វែង ជាឈ្មួញកណ្ដាលរកស៊ីទិញផ្លែសំរងដែរតែទទួលទិញថោក ហើយគ្រួសារខាងលើមិនព្រមលក់ឱ្យបានជាចាប់នោះ ត្រូវបានភាគីលោក ធឿង វែង បញ្ជាក់ថា មិនមែនជាការពិតទេ គឺចាប់ណែនាំទាំងអស់ឱ្យតែចូលមិនប្រាប់កម្លាំងដែលជាអ្នកមើលការខុសត្រូវនៅលើកោះ។ សម្លេង
ប្រភពបានបន្តឱ្យដឹងថា ក្រោយពីមានភាពតានតឹងដាក់គ្នាអស់រយៈពេល ៤ថ្ងៃភាគីទាំង ២ ក៏បានសម្របសម្រួលគ្នា ដោយខាងទាហ៊ានដែលចាប់នោះបានដឹកផ្លែសំរងមកប្រគល់ដល់ផ្ទះឱ្យប្រជាពលរដ្ឋវិញកាលពីវេលាថ្ងៃត្រង់ទី២៤ ខែមីនា ឆ្នាំ២០២៥។ សម្លេង
សូមរម្លឹកថា បើតាមអ្នកជំនាញអត្ថប្រយោជន៍នៃផ្លែសំរងសំបូរទៅដោយកាកសរសៃ (FIBER) ដ៏ខ្ពស់ដែលជាហេតុឲ្យមានប្រសិទ្ធភាពក្នុងកា សម្រកទម្ងន់ បញ្ចុះខ្លាញ់, ស្ករ បានយ៉ាងប្រសើរ ដោយសារសាច់ទន់ដូចចាហួយនៃផ្លែសំរងជួយបឺតសារធាតុខ្លាញ់ពីក្នុងខ្លួនបាន។ រួមទាំងជួយការពារពីជម្ងឺហឺត, បំប៉នសួត ,សាច់ទន់រីកពេលត្រូវទឹកនៃផ្លែសំរង ផ្តល់ភាពត្រជាក់បំបាត់រលាកភ្នែក ,ភ្នែកក្រហម (យកសាច់សំរងដាក់ក្នុងស្បៃស្អាតដាក់ស្អំពីលើភ្នែក) បំបាត់ពិស, ក្តៅក្អក , ក្អកស្ងួត, រមាស់ក, ឈឺកមិនមានសម្លេង, អ្នកជំងឺ ក្តៅសួត, រលាកពោះវៀនធំ, ទល់លាមក, ឬសដូងបាត, គ្រួសក្នុងតម្រងនោម និងបំប៉នក្រលៀនជាដើម៕
វីដេអូ៖ https://www.facebook.com/share/v/15sobaXJUF/?mibextid=wwXIfr
