បុរស ៥នាក់ស្លាប់ក្នុងអាងប្រហុកកំពុងបង្កការភ្ញាក់ផ្អើល ខណៈប៉ូលិថា ដោយសារឧស្ម័នពុល

ប៉ូលិសសន្មត់នៅថ្ងៃពុធ ទី១១ ធ្នូឆ្នាំ២០២៤ នេះថា ជនរងគ្រោះទាំង ០៥នាក់គឺបានស្រូបឧស្ម័នពុលនិងខ្វះអុកស៊ីសែន ទើបបណ្តាលឱ្យស្លាប់ ហើយប៉ូលិសពុំរកឃើញសញ្ញាឬស្លាកស្នាមនៃការវាយដុំច្រំធាក់អ្វីទេ។

សូមរម្លឹកថា ករណីនេះកើតឡើងកាលពីល្ងាចថ្ងៃចន្ទទី៩ ធ្នូ ឆ្នាំ២០២៤ នៅឯសិប្បកម្ម Pla-Ra ក្នុងភូមិ Moo 5 ឃុំ Nong Khwai ស្រុក Lom Sak នៃខេត្តភាគខាងជើង Phetchabun។

ម្ចាស់សិប្បកម្មប្រាប់ក្រុមអ្នកស៊ើបអង្កេតថា គាត់បានប្រើឱ្យអ្នកទាំង៥ ទៅសម្អាតអាងចាស់ ដើម្បីត្រៀមដាក់ប្រហុកថ្មី ខណៈចៅហ្វាយស្រុក Lom Sak និយាយថា អាងនោះត្រូវបានទុកចោល៥ទៅ៦ខែ មានទទឹង៣ម៉ែត្រ បណ្តោយ៤ម៉ែត្រ និងជម្រៅ៦ម៉ែត្រ៕