លោក Yoon Suk Yeol ប្រធានាធិបតីកូរ៉េខាងត្បូង បានប្រកាសប្រើ«ច្បាប់អាជ្ញាសឹក ក្នុងគ្រាអាសន្ន»កាលពីថ្ងៃអង្គារ៍ ដោយចោទគណបក្សប្រឆាំងថាត្រួតត្រាសភា មានសមានចិត្តជាមួយកូរ៉េខាងជើងនិងធ្វើឲ្យរដ្ឋាភិបាលគាំងដំណើរការដោយសារសកម្មភាពនានាប្រឆាំងរដ្ឋ។
ប៉ុន្មានម៉ោងក្រោយការប្រកាសរបស់លោកប្រធានាធិបតី Yoon សភាជាតិកូរ៉េខាងត្បូងបានបោះឆ្នោតប្រឆាំងនឹងការប្រកាសនេះ។ ប្រធានសភាលោក Woo Won Shik បានប្រកាសថា ក្រុមតំណាងរាស្ត្រ«នឹងការពារលទ្ធិប្រជាធិបតេយ្យជាមួយប្រជាពលរដ្ឋ» ហើយអំពាវនាវឱ្យដកមន្ត្រីប៉ូលិសនិងកងកម្លាំងយោធាចេញពីទីលានសភា។ អ្នកគាំទ្រគណបក្សប្រឆាំងរបស់កូរ៉េខាងត្បូងប្រមូលផ្តុំគ្នានៅខាងក្រៅសភា៕
