ស្ត្រីម្នាក់ត្រូវចាប់ខ្លួនពីបទឆបោកបុរសម្នាក់ឱ្យរៀបការហើយទុកឱ្យគាត់អស់លុយកាក់។ បើទោះជាធ្លាប់ជាប់ពន្ធនាគារពីមុនមកក៏ដោយ ក៏នាងបានបន្តសកម្មភាពបោកប្រាស់ដោយអះអាងថា មានជាប់ពាក់ព័ន្ធជាមួយឆ្មាំគុក និងបោកប្រាស់ជនរងគ្រោះចំនួន ៥លានបាត។
ប៉ូលីសក្នុងខេត្ត Udon Thani បានប្រកាសពីការចាប់ខ្លួន Sunisa Thinthan អាយុ ៣០ ឆ្នាំ ក្រោមដីកាដែលចេញដោយតុលាការខេត្ត Udon Thani កាលពីថ្ងៃទី៧ខែសីហា។ នាងត្រូវបានចាប់ខ្លួននៅសណ្ឋាគារមួយក្នុងតំបន់ Sukhumvit នៃទីក្រុងបាងកក។ Sunisa ត្រូវបានចោទប្រកាន់ពីបទកេងបន្លំ និងមានប្រវត្តិនៃបទល្មើសស្រដៀងគ្នា។
មុននេះ អគ្គនាយករង Akkarapol Wongrithiwal បានទទួលរបាយការណ៍ពីស្ថានីយ៍ប៉ូលីសទីក្រុង Udon Thani អំពី Sunisa ដែលពីមុនត្រូវបានកាត់ទោសពីបទឆបោក និងដាក់ពន្ធនាគារក្នុងឆ្នាំ ២០២១។ បន្ទាប់ពីនាងត្រូវបានដោះលែង ហើយនាងបានបន្តសកម្មភាពក្លែងបន្លំទៀត។
ពេលនៅក្នុងពន្ធនាគារ នាងបានធ្វើជាមិត្តនឹងអ្នកទោស និងប្រមូលព័ត៌មានផ្ទាល់ខ្លួនពីពួកគេ។ នៅពេលដែលត្រូវបានដោះលែង នាងបានទាក់ទងទៅសាច់ញាតិរបស់អ្នកទោស ដោយបានអះអាងមិនពិតថា ពាក់ព័ន្ធនឹងអ្នកយាមនៃពន្ធនាគារកណ្តាល Udon Thani ។ នាងបានបញ្ចុះបញ្ចូលពួកគេថា នាងអាចរៀបចំកាត់បន្ថយការកាត់ទោស ឬការដោះលែងមុនជាថ្នូរនឹងប្រាក់។
Sunisa បានខ្ចីនាឡិកាម៉ាក Rolex កាបូបម៉ាក Louis Vuitton Speedy និងឡានពីសាច់ញាតិ ដោយសន្យាថានឹងប្រគល់ឱ្យពួកគេវិញ ប៉ុន្តែមិនដែលធ្វើនោះទេ។ ពេលជនរងគ្រោះទារយករបស់ពួកគេមកវិញ នាងបានគេចខ្លួនម្តងហើយម្តងទៀត ។ ការខូចខាតសរុបត្រូវបានគេប៉ាន់ប្រមាណថាមានប្រហែល ៥លានបាត (១៤១,៨៣០ ដុល្លារអាមេរិក) ដែលនាំឱ្យនាងត្រូវបានចោទប្រកាន់ពីបទកេងបន្លំ។
ជនរងគ្រោះពីរនាក់ទៀតបានចូលខ្លួននៅថ្ងៃទី ៦ ខែសីហា។ Kittiwat Sihawat អាយុ ២៤ ឆ្នាំជាកូនប្រុសរបស់ម្ចាស់អាជីវកម្មម្ហូបអាហារនិង Pacharaput Phadornsakchai អាយុ ២៥ឆ្នាំជាអ្នករៀបចំផែនការអាពាហ៍ពិពាហ៍មកពីខេត្ត Khon Kaen បានរាយការណ៍ទៅប៉ុស្តិ៍ប៉ូលីស Chum Phae ក្នុង Khon Kaen។ ពួកគេបានអះអាងថា ស៊ុន នីសា ក្រោមឈ្មោះហៅក្រៅ Sunisa Kengtan បានជួលពួកគេឱ្យចូលរោងការ។
ការក្លែងបន្លំអាពាហ៍ពិពាហ៍នាងបានកុម្ម៉ង់អាហារ២០តុតម្លៃ១.៣០០បាត (៣៧ដុល្លារ)ក្នុងមួយតុ សរុប២៦.០០០បាត (៧៤០ដុល្លារអាមេរិក) និងជួលរ៉ូបអាពាហ៍ពិពាហ៍។ នាងក៏បានជួល Pacharaput ដើម្បីរៀបចំទីកន្លែងសម្រាប់ ១៨,៧០០ បាត (៥៣០ ដុល្លារអាមេរិក) ជាមួយនឹងប្រាក់កក់ ២,០០០បាត (៦០ ដុល្លារអាមេរិក) ។
ពិធីមង្គលការនេះត្រូវបានប្រារព្ធធ្វើនៅភោជនីយដ្ឋាន Secret ក្នុងក្រុង Nong Phai ខេត្ត Chum Phae។ យ៉ាងណាក៏ដោយ ក្រោយព្រឹត្តិការណ៍នេះ Sunisa ខកខានមិនបានបង់ប្រាក់ដែលនៅសល់សម្រាប់ការរៀបចំអាហារ និងទីកន្លែងដែលនាំឱ្យពួកគេដាក់ពាក្យបណ្ដឹង។
Sittichai កូនកំលោះអាយុ ២១ ឆ្នាំដែលចាញ់បោក Sunisa បានបង្ហើបថាពួកគេបានជួបគ្នាតាមអ៊ីនធឺណិត។ Sunisa បានអះអាងថាខ្លួនជាម្ចាស់ Secret Bar និងមានមិត្តប្រុសក្មេងទំនើងជាជនជាតិចិន។ នាងបានអញ្ជើញគាត់ឱ្យធ្វើការនៅបារ ជាកន្លែងដែលនាងបានបង្ហាញពីរបៀបរស់នៅដ៏ប្រណិតជាមួយកាបូបម៉ាកយីហោ និងរថយន្តទំនើបមួយគ្រឿង។
Sunisa បានស្នើសុំរៀបការជាពិធីមួយដើម្បីបញ្ចៀសកម្មផលអាក្រក់ ហើយ Sittichai បានយល់ព្រមដោយសុច្ឆន្ទៈ។ នាងបានចាត់ចែងរាល់ការចំណាយក្នុងពិធីមង្គលការ រួមទាំងថ្លៃបណ្ណាការជួល។
បន្ទាប់ពីរៀបការរួច Sunisa បានយករបស់របរទាំងអស់របស់គាត់ ចោលគណនីធនាគាររបស់គាត់ លក់កុំព្យូទ័ររបស់គាត់ រឹបអូសយកទូរស័ព្ទរបស់គាត់ និងបង្ខំគាត់ឱ្យចុះឈ្មោះរៀបការ។ ដោយខ្លាចការគំរាមកំហែងរបស់មិត្តប្រុសរបស់នាង Sittichai មិនបានប្រឆាំងឡើយ។
លោកវរសេនីយ៍ឯក ចាគ បង្ហើបថា ក្នុងពេលសួរចម្លើយ ស៊ុន នីសា បានសារភាពមួយផ្នែកថា ខ្លួនបានខ្ចីរថយន្តនេះ ប៉ុន្តែបានអះអាងថា នាងមានបំណងចង់យកមកវិញ។ ប៉ូលីសបានរកឃើញថា Sunisa មានលំនាំនៃការបោកបញ្ឆោតដែលតែងតែអះអាងថាមិត្តប្រុសរបស់នាងគឺជាក្មេងទំនើងជនជាតិចិនដើម្បីបំភិតបំភ័យជនរងគ្រោះរបស់នាង។ នាងបានចូល និងចេញពីគុកម្តងហើយម្តងទៀត ដោយគ្មានវិប្បដិសារី។ KhaoSod បានរាយការណ៍ថា កំណត់ត្រាឧក្រិដ្ឋកម្មរបស់នាងរួមមាន ប្រាំពីរករណី និងដីកាចាប់ខ្លួនចំនួនប្រាំពីរលើក៕
