![កម្ពុជាបញ្ចេញ CoolApp ជាបណ្តាញទំនាក់ទំនងសង្គមលើកដំបូង ស្តង់ដារបរទេស](https://1post.news/images/photos/3/2024-06/21/6675446c9b0d7.jpeg)
នៅល្ងាចថ្ងៃនេះសម្ដេចតេជោ ហ៊ុន ស៊ែន ប្រធានព្រឹទ្ធសភា បានប្រកាសឱ្យដឹងថា CoolApp ជាបណ្តាញទំនាក់ទំនងសង្គម Chat លើកដំបូងរបស់កម្ពុជា ដែលមានលក្ខណៈស្តង់ដារបរទេសដូច Telegram និង WhatsApp បច្ចុប្បន្នបានដាក់ដំណើរការនៅលើ App Store និង Play Store ហើយ។
CoolApp មានលក្ខណៈស្តង់ដារដូចអន្តរជាតិ ធ្វើឡើងដោយក្រុមជំនាញបច្ចេកទេសខ្មែរជាច្រើននាក់ ដែលជាអ្នកជំនាញផ្នែកបច្ចេកវិទ្យា IT។ កម្មវិធីទំនាក់ទំនងឆាត CoolApp នេះបានចំណាយពេលជាង៣ឆ្នាំមកហើយ ចាប់តាំងពីឆ្នាំ២០២១ មកដល់ឆ្នាំ២០២៤នេះ ដែលទើបចេញរូបរាងនៅពេលនេះ។
![កម្ពុជាបញ្ចេញ CoolApp ជាបណ្តាញទំនាក់ទំនងសង្គមលើកដំបូង ស្តង់ដារបរទេស](https://1post.news/images/photos/3/2024-06/21/6674c8a718359.jpeg)
CoolApp មានមុខងារជាច្រើនរួមមាន Chat និង Call និង Video Call ដោយប្រើប្រាស់តាមស្តង់ដារអន្តរជាតិ ទិន្នន័យ Data និង Call ស្ថិតក្នុងលក្ខណៈ Encryption និងសុវត្ថិភាពទាំងអស់ ដោយប្រើប្រាស់ប្រព័ន្ធ Internet Local (Dix) ដែលធ្វើឲ្យ Call ស្តាប់សំឡេងច្បាស់ និង Chat ផ្ញើរូបភាពវិដេអូមានភាពរហ័សព្រោះ Internet មិនចេញទៅក្រៅប្រទេស។
បណ្តាញទំនាក់ទំនងសង្គមឆាត CoolApp ជាមោទនភាពរបស់ជាតិយើង ដែលជាកម្មវិធីដំបូងជារបស់ខ្មែរ និងប្រើប្រាស់ក្នុងដែនសុវត្ថិភាពរបស់ខ្មែរ៕
![កម្ពុជាបញ្ចេញ CoolApp ជាបណ្តាញទំនាក់ទំនងសង្គមលើកដំបូង ស្តង់ដារបរទេស](https://1post.news/images/photos/3/2024-06/21/6674c8a6ed735.jpeg)