គូស្នេហ៍មួយគូត្រូវបានគេប្រទះឃើញស្លាប់ក្នុងរថយន្តចតនៅផ្លូវ Phatthanakan Soi 12 ក្នុងទីក្រុងបាងកក ដោយម៉ាស៊ីនបើករហូតអស់សាំង។ ខ្សែវីដេអូ CCTV បានបង្ហាញថា ពួកគេបានចូលក្នុងរថយន្តបន្ទាប់ពីបានចាកចេញពីកន្លែងធ្វើការ។ ហេតុការណ៍នេះបានកើតឡើងកាលពីវេលាម៉ោង៨និង២០នាទីយប់ម្សិលមិញ។
លោកអនុសេនីយ៍ឯក Sirichai Kaewprasith មកពីប៉ុស្តិ៍នគរបាល Khong Tan បានឱ្យដឹងថា រថយន្តនោះម៉ាក Mazda ពណ៌សពាក់ស្លាកលេខ ชภ 6664 បាងកក ត្រូវបានគេប្រទះឃើញនៅជាប់ភោជនីយដ្ឋានឥសានតាវ៉ាន់ដាង។មានឈ្មោះ វីឡៃវ៉ាន់ វត្ថាណា អាយុ២៧ឆ្នាំ ជាអ្នករាំនៅភោជនីយដ្ឋានត្រូវបានគេប្រទះឃើញដេកស្លាប់នៅនឹងកន្លែងអង្គុយអ្នកបើកបរ។ ចំណែកនៅកន្លែងអង្គុយអ្នកដំណើរនោះឈ្មោះ Niroj Phonphan អាយុ២៤ឆ្នាំ ជាអ្នករត់ការនៅរោងចក្រដដែល ក៏ត្រូវបានគេប្រទះឃើញស្លាប់ដែរ៕
