នារីសាច់សខ្ចីម្នាក់ដាច់ក្បាលចេញពីខ្លួននៅក្នុងបន្ទប់ជួលទាំងអាថ៌កំបាំង

នារីបុគ្គលបម្រើការងារនៅកាស៊ីណូ DYNASTY ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ត្រូវបានឃាតករកាត់ក្បាលចេញពីខ្លួនកាលពីថ្ងៃទី២០ ខែមេសា ឆ្នាំ២០២៣នៅក្នុងបន្ទប់ជួលផ្លូវកំពង់ស្ពាន ក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។

សមត្ថកិច្ច បានឱ្យដឹងថា សាកសពជនរងគ្រោះមានឈ្មោះ ម៉ន ស្រីម៉ី អាយុ២៤ឆ្នាំ មានស្រុកកំណើតនៅភូមិកណ្តាលក្រោម ឃុំបន្ទាយដែក ស្រុកកៀនស្វាយ ខេត្តកណ្តាល។ បច្ចុប្បន្នសមត្ថកិច្ចកំពុងធ្វើការស្រាវជ្រាវចាប់ឃាតយកមកផ្តន្ទាទោសតាមនីតិវិធី៕