ក្រុមហ៊ុនបារាំងធ្វើការសិក្សាប្រព័ន្ធផ្លូវដែកលើផ្លូវថ្នល់នៅក្នុងរាជធានីភ្នំពេញឡើងវិញ ដើម្បីបញ្ចៀសការកកស្ទះ

ក្រសួងសាធារណការ និងដឹកជញ្ជូន ជាមួយនឹងក្រុមហ៊ុនរបស់ប្រទេសបារាំងបានឯកភាពគ្នានៅក្នុងការសិក្សាប្រព័ន្ធផ្លូវដែក លើផ្លូវថ្នល់ (Tramways) នៅក្នុងរាជធានីភ្នំពេញឡើងវិញហើយ ដើម្បីចូលរួមកាត់បន្ថយការកកស្ទះចរាចរណ៍។ 

ការឯកភាពគ្នានេះត្រូវបានធ្វើឡើងនៅក្នុងជំនួបរវាង លោកទេសរដ្ឋមន្រ្ដី ស៊ុន ចាន់ថុល រដ្ឋមន្រ្ដីក្រសួងសាធារណការ និងដឹកជញ្ជូន លោក François Corbin តំណាងពិសេសរបស់រដ្ឋមន្ត្រីអឺរ៉ុប និងកិច្ចការបរទេស សម្រាប់ទំនាក់ទំនងសេដ្ឋកិច្ចជាមួយអាស៊ានកាលពីថ្ងៃទី២៥ ខែមករា ឆ្នាំ២០២៣៕