ក្រោយបែកធ្លាយសារសម្លេងមន្ត្រីគយស្រែអំបិលជាប់ពាក់ព័ន្ធរឿងប្រេងរត់ពន្ធ លោក បាន សំរេច ប្រកែចញាញ

ក្រោយបែកធ្លាយសារសម្លេងរបស់ឈ្មួញរកស៊ីប្រេងគេចពន្ធនៅស្រុកស្រែអំបិល និយាយរៀបរាប់អំពីការត្រូវដងត្រូវផ្លែគ្នាដូចសម្លកំពឹស មានទាំងមន្ត្រីគយផងនោះ លោក បាន សំរេច ប្រធានការិយាល័យគយ និងរដ្ឋាករ ស្រុកស្រែអំបិល បានបដិសេធថា «លោកមិនដែលរវល់និងលុយកាក់ប្រេងរត់ពន្ធទេ លោកមានតែបង្ក្រាប។ ចំពោះប្រេងរត់ពន្ធគឺមានមន្ត្រីជំនាញខាងប្រេងគេចាំបង្ក្រាបហើយ»។

ការបដិសេដ្ឋដូចនេះបន្ទាប់ពីបែកធ្លាយសារសម្លេងរបស់បុរសម្នាក់ឈ្មោះ វី ដែលគេសង្ស័យដា ជាមេឈ្មួញរកស៊ីរត់ប្រេងធចាស់វស្សាម្នាក់នៅចំណុចព្រែកកំពង់ឡាន ស្ថិតនៅក្នុងភូមិបានទៀន ឃុំដងពែង ស្រុកស្រែអំបិល ខេត្តកោះកុង។ សម្លេង…

បើតាមប្រភពពីពលរដ្ឋខ្សឹបខ្សៀវមកថា នៅស្រុកស្រែអំបិលនេះ ក្រៅពីរត់ពន្ធប្រេងឥន្ទនៈ ក៍មានទំនិញចាប់ហ៊ួយ និងគ្រឿងសំណង់មួយចំនួនដែលគេសង្ស័យថាបានគេចពន្ធផងដែរ តែលោកប្រធានគយ បានបដិសេធផងថាគ្មានទេ គឺបង់ពន្ធត្រឹមត្រូវទាំងអស់។ នៅវគ្គបន្ទាប់ 1Post នឹងជម្រាបជូនប្រិយមិត្ត អំពីការដូប្រេង ១ពាន់លីត្ររបស់ក្រុមហ៊ុនមួយជូនជាប្រចាំទៅផ្នែកជំនាញគយដែលមានស្នាក់ការនៅទីនោះ៕ តាពេជ្រ