អាជ្ញាធរសហរដ្ឋអាម៉េរិក បានប្រគល់រូបចម្លាក់បុរាណនៅទីក្រុងញូវយ៉ក (New York) ដែលគេធ្វើការជួញដូរឱ្យត្រឡប់មកកម្ពុជាវិញកាលពីថ្ងៃទី៨ ខែសីហា ២០២២។ វីដេអូ https://fb.watch/eNRkCYwWEP/
មេធាវីរដ្ឋាភិបាលអាម៉េរិក លោក ដេមៀន វីល្លាមស៍ (Damian Williams) បានលើកឡើងថាវត្ថុបុរាណទាំង៣០នឹងបានវិលត្រឡប់ទៅប្រទេសដើមវិញ គឺត្រឡប់ទៅទីកន្លែងដែលវត្ថុសិល្បៈទាំងនោះត្រូវគេលួចនាំចេញមកលក់នៅក្រៅប្រទេស។
វត្ថុបុរាណទាំងនោះ រួមមាន រូបបដិមាផ្នែកពុទ្ធសាសនា និងព្រហ្មញ្ញសាសនាសម័យអង្គរ ដូចជាបដិមាព្រះពុទ្ធប្រក់នាគធ្វើពីសំរឹទ្ធ បដិមាព្រះនាងលក្ស្មី ធ្វើពីសំរឹទ្ធ ព្រះនារាយណ៍ ឬវិស្ណុ អំពីថ្មភក់រូបព្រះឥសូរ និង ព្រះគណេស រួមនឹងបដិមាអាទិទេពស្កន្ទ ដែលជិះលើសត្វក្ងោក ជាចម្លាក់ល្បីឈ្មោះ ដែលក្រុមជួញដូរវត្ថុបុរាណតែងចង់បានផងដែរ៕
