ប្រទេសអ៊ុយក្រែន និងរុស្ស៊ី បានអនុវត្តការដោះដូរអ្នកទោសដ៏ធំបំផុតរបស់ពួកគេ ចាប់តាំងពីការចាប់ផ្តើមនៃជម្លោះ កាលពីថ្ងៃទី២៤ ខែកុម្ភៈ។ នេះបើតាមសារព័ត៌មានស៊ិនហួ បានចុះផ្សាយនៅថ្ងៃទី៣០ ខែមិថុនា ឆ្នាំ២០២២។
យោងតាមប្រពព័ត៌មានពីទីភ្នាក់ងារសម្ងាត់របស់អ៊ុយក្រែន បានបង្ហើបឱ្យដឹងថា ជនជាតិអ៊ុយក្រែន១៤៤នាក់ ដែលមានអាយុ១៩ និង៦៥ឆ្នាំបានត្រឡប់ទៅផ្ទះវិញ ជាលទ្ធផលនៃការផ្លាស់ប្តូរ។
ការដោះដូរនោះ រុស្ស៊ីបានដោះលែងទាហាន៥៩នាក់នៃឆ្មាំជាតិអ៊ុយក្រែន រួម ទាំង ៤៣នាក់ មកពីកងវរសេនាធំ Azov ដែលបានប្រយុទ្ធសម្រាប់រោងចក្រដែក Azovstal របស់ក្រុង Mariupol ។
ទីភ្នាក់ងារដដែលបានឲ្យដឹងថា ភាគច្រើននៃជនជាតិអ៊ុយក្រែនដែលត្រូវបានដោះលែងមានរបួសធ្ងន់ធ្ងរ ។
គួររំលឹកថា អ៊ុយក្រែន និងរុស្ស៊ី បានធ្វើការផ្លាស់ប្តូរអ្នកទោសជាលើកដំបូងនៅថ្ងៃទី២៤ ខែមីនា៕
